धनुषा,०७९ माघ ४ गते ।मधेस प्रदेशका नवनियुक्त मुख्यमन्त्री सरोजकुमार यादवले मधेश प्रदेशसभामा विश्वासको मत लिनुभएको छ । बुधवार बसेको प्रदेशसभाको तेश्रो बैठकमा मुख्यमन्त्रि यादवले आफुलाई विश्वासको मत दिन आग्रह गर्नुभएको थियो । मुख्यमन्त्रि यादवलाई उपस्थित एक सय २ जना सांसदले विश्वासको मत दिएर सरकारलाई समर्थन गरेका छन् ।
सभामुख रामचन्द्र मण्डलले मुख्यमन्त्रीले सरोज कुमार यादवले बिश्वासाको मत पाँउ भनि सभामा प्रस्तुत गरेको प्रस्ताव सर्वसम्मत पारित भएको घोषणा गरेका छन् । सभामुख मण्डलले बैठकको सुरुवातमै प्रदेशसभाका सांसदहरुले सभामुखमा आफुलाई निर्वाचित गराएकोमा धन्यवाद दिनुभएको थियो ।
बैठकमा नेकपा माओवादी केन्द्र संसदीय दलका नेता भरत साहले प्रदेशमा विना कामको केही आयोग गठन भएकाले खारेज गर्नुपर्ने बताउनुभयो । उहाँले प्रदेशमा जनलोकपालको कुनै काम नभएको बताउनुभयो ।
बैठकमा नेकपा एमालेका संसदीय दलका नेता सरोज कुमार यादव, कांग्रेस संसदीय दलका नेता कृष्ण प्रसाद यादव, जसपाका तर्फबाट पूर्वमुख्यमन्त्री लालबाबु राउत, जनमत पार्टीका संसदीय दलका नेता महेश प्रसाद यादव, लोसपा संसदीय दलका नेता अभिराम शर्मा, नेकपा एस संसदीय दलका नेता गोविन्द न्यौपानेलगायतका नेताहरुले आ आफनो धारणा राख्दै सरकारलाई समर्थन दिएको थियो । बैठकमा राप्रपा, संघिय समाजवादी, नागरिक उन्मुक्ति पार्टी सहितका पार्टीहरु र स्वतन्त्र सांसदहरुले समेत धारणा राख्दै मुख्यमन्त्री यादवले मागको विश्वासको मतमा समर्थन दिएको जनाएको थियो ।
यो विषयमा आफ्नो प्रतिक्रिया दिनुहोस् !