राम नारायण ठाकुर, मिर्चैया ५ माघ । सिरहा जिल्लाको मिर्चैयामा आइतबार राष्ट्रिय दलित पत्रकार संघ, नेपालको उपाध्यक्ष भोला पासमानको अध्यक्षतामा राष्ट्रि दलित पत्रकार संघ सिरहा शाखा गठन भएको छ ।
(लोकतन्त्रको मूल आधार, सामान सहभागिता र विभेदमुक्त समाज अभिव्यक्ति स्वतन्त्रता र मर्यादित पत्रकारिता हाम्रा आवाज) नाराका साथ १३ सदस्यीय सो समिति गठन गरिएको हो ।राष्ट्रिय दलित पत्रकार संघ, नेपाल सिरहा शाखाको अध्यक्षमा सरोज कुमार पासमान, उपाध्यक्ष सोनु महरा, कोषध्यक्षमा सबिता महरा, सचिवमा संजय विश्वकर्मा, सहसचिवमा धर्मेद्र कुमार पासमान सदस्य दिपक पासमान, अभय पासमान, प्रदिप पासमान, जगजित महरा, प्रिंयका पासमान, सुनिल पासमान, समरिका दास र राम कबिर पासमान चयन भएका छन् ।
राष्ट्रिय दलित पत्रकार संघ, नेपाल सिरहा शाखाका लागि ३ जना सल्लाहकार समेत चयन गरेको हो । सल्लाहकारमा आशिष विश्वकर्मा, मनिलाल विश्वकर्मा, दुर्गा परियार चयन भएको राष्ट्रिय दलित पत्रकार संघ सिरहा शाखाको कोषाध्यक्ष सबिता महराले जानकारी दिए ।
रेडियो गंगाजलको प्रबन्ध निर्देशक सरोज कुमार पासमानको अध्यक्षतामा भएको कार्यक्रममा प्रमुख अतिथिको रुपमा कर्जन्हा नगरपालिकाको नगर प्रमुख गंगा पासमान, विशिष्ट अतिथिको रुपमा पत्रकार भोला पासमान, आशिष विश्वकर्माको उपस्थिती रहेका थिए ।
कार्यक्रममा बोल्दै प्रमुख अतिथि पासमानले भने, देशको प्रमुख अंगहरु मध्ये सञ्चार माध्ययम समेत एक भएकोले यसमा दलित समुदायको सहभागिता उल्लेखित हुनुपर्ने बताएका छन् । कर्जन्हा नगरपालिकाले दलित पत्रकारहरुको विकासका लागि नगर सभाबाट विशेष रुपमा पैसा छुट्टाएर क्षमता विकासका विभिन्न कार्यक्रमम छिटै गर्न लागेको र संञ्चार क्षेत्रको विकासमा आफ्नो सहयोग जहिले पनि रह्ने भन्दै भेलाबाट चुनीएका सबैलाई शुभकामना समेत दिएका थिए ।
पत्रकारिकता संघर्षशिल पेशा भएकोले जहिले पनि अध्ययनलाई निरन्तरता दिइ दलित समुदायमा समेत गुणस्तरिय पत्रकारहरुको आवश्यकता रहेको राष्ट्रिय दलित पत्रकार संघ, नेपालको केन्द्रिय उपाध्यक्ष भोला पासमानले जानकारी दिए ।
राष्ट्रिय दलित पत्रकार संघ, नेपाल सिरहा शाखाले अब दलित पत्रकारहरुको क्षमता विकास तथा दलित समुदायहरुमा लुकेर बसेका विभिन्न समस्याहरुलाई समाचारको माध्ययमबाट समाधान गर्ने र घटना वारे जानकारी सम्बन्धीत निकाय सम्म पुगाइ उचित सहयोग दिन जहिले पनी तैयार रह्ने अध्यक्ष सरोज कुमार पासमानले बताए । सिरहा जिल्लामा दलित समुदायको पत्रकारहरुको संख्या न्यून भएको हुँदा दलित समुदायहरुलाई पत्रकारीकता क्षेत्रमा आकर्षण गर्न विभिन्न कार्यक्रमको अझै खाचो रहेको अध्यक्ष पासमानले जानकारी दिए ।
