जउनपाविरुद्ध शुक्रवार पत्रकार महासंघले जाहेरी दिने

धनुषा, ०७६ माघ ८ गते ।
पुस २२ गते जनकपुरधाम उपमहानगरपालिकाका मेयर लालकिशोर साहको कार्यकक्षमा पत्रकारहरुमाथि भएको कुटपिट र दुव्र्यवहार घटना विरुद्ध नेपाल पत्रकार महासंघ धनुषाले माघ १० गते जिल्ला प्रहरी कार्यालय धनुषामा किटानी जाहेरी दिने भएको छ । बुधवार नेपाल पत्रकार महासंघ धनुषाअन्तर्गत गठित संघर्ष समितिका संयोजक किरण कर्णको अध्यक्षतामा बसेको पत्रकारहरुको बैठकबाट उपस्थित पत्रकारहरुले धनुषाको सिडियो कार्यालयमा भएको ९ बुन्दे सहमति कार्यान्वयन नभएको भन्दै जउनपाका मेयर र कर्मचारीविरुद्ध कानुनी प्रक्रियामा जाने निर्णय भएको छ ।
बैठकबाट संघर्ष समितिको आन्दोलनलाई निरन्तरता दिदै माघ १० गते जनकपुरधाम उपमहानगरपालिका विरुद्ध पत्रकारहरुमाथि भएको अमानवीय दुव्र्यवहार र कुटपिट सम्बन्धमा मेयर लालकिशोर साहविरुद्ध किटानी जाहेरी दर्ता गराउने निर्णय गरिएको संयोजक किरण कर्णले बताएका छन् । विरोध स्वरुप पत्रकारहरुले हातमा कालो पट्टी बाँधेर समाचार संकलन तथा सम्पादनको काम गर्ने सहितका संघर्ष समितिद्वारा घोषित आन्दोलन जारी रहेको छ ।