धनुषा, ०७६ माघ १० गते ।
राष्ट्रिय निजी तथा आवासीय विद्यालय एशोसिएशन नेपाल (एन प्याब्सन) धनुुषाको अध्यक्षमा अवधेश तिवारी सर्वसम्मत चयन हुनुभएको छ । एन प्याब्सन धनुषाको आठौं जिल्ला अधिवेशनबाट सर्वसम्मत रुपमा चयन गरिएको कार्यसमितीको उपाध्यक्षमा आशिष झा, सचिवमा डि के चौधरी र कोषाध्यक्षमा मनोज मिश्रा चयन हुनुभएको हो । एन प्याब्सन धनुषाको सर्वसम्मत चयन भएको कार्यसमिती सदस्यहरुमा कृष्णा यादव, प्रमोद अग्रवाल, अनिल अग्रवाल, सचिन सिंह, सुवास ठाकुर, अताबुल राजु यादव, सन्तोषलाल कर्ण, मिरा पाण्डेय लगायतको रहेका छन् ।
एन प्याब्सन धनुषाको आठौ जिल्ला अधिवेशनको उदघाटन सत्र चन्द्रनारायण मण्डलको अध्यक्षता तथा जनकपुरधाम उपमहानगरपालिकाका मेयर लालकिशोर साहको प्रमुख आतिथ्य र शहिदनगर नगरपालिकाका मेयर उदयकुमार बरवरियाको विशिष्ट आतिथ्यमा भएको थियो । उदघाटन सत्रको क्रममा एन प्याब्सनका केन्द्रिय अध्यक्ष रितुराज सापकोटा, केन्द्रिय कोषाध्यक्ष प्रताप थापा, केन्द्रिय सल्लाहकार पाण्डव हमाल, प्रदेश ३ का अध्यक्ष प्रवोध प्रभाकर रिजाल, प्रदेश २ का अध्यक्ष जयप्रकाश चौधरीलगायतका अतिथीहरुले निजी विद्यालयहरुको योगदानले देशको शिक्षा क्षेत्रमा ठुलो टेवा पुगेको धारणा राख्नुभएको थियो ।
कार्यक्रममा एन प्याब्सनका अध्यक्ष चन्द्रनारायण मण्डलले जनकपुरधाम उपमहानगरपालिकाका मेयर लालकिशोर साह, शहिदनगरपालिकाका मेयर उदयकुमार बरवरिया, सरसफाई अभियानी दिपक ठाकुर र प्रदेश २ का लोकसेवा आयोगका सदस्य महारुद्ध झा, शिक्षा क्षेत्रमा निरन्तर २३ वर्षसम्म योगदान दिएका चन्द्रनारायाण मण्डललाई दोसल्ला र सम्मानपत्रसहित सम्मान गरिएको छ ।
