धनुषा, ०७६ माघ २६ गते ।
जनकपुरधाम उपमहानगरपालिका–१६ बस्ने बस्ने अमर पंजियारले जनकपुरधाम–१ बस्ने उर्मिला देवीले आफनो जग्गा कब्जा गरेको दावि गरेका छन् । सुर्यदेव महतोको २ श्रीमति उर्मिला देवी र टिका कुमारी चौधरीमध्ये अदालतबाट अंश मुददाबाट चौधरीले प्राप्त गरेको ६ धुर २ कन्मा जग्गा आफनो काकी प्रर्मिला देवी महतोले खरिद गरेको बताए ।
अंश मुददाबाट टिका चौधरीले प्राप्त किता नं. १६८ को ६ धुर २ कन्मा जग्गा आफनो काकीले २६ लाखमा खरिद गरेकोे बताए । आफनो काकीले २६ लाखमा खरिद गरेको जग्गामा उर्मिला देवीलगायतले कब्जा गरेर राखेको दावि गरेका छन् । उर्मिला भाई राजदेव महतो, कृष्णदेव महतोलगायतको मान्छेले जिल्ला अदालत, पुनरावेदन अदालत र सर्वोच्च अदालतले गरेको निर्णयलाई अपहेलना गर्दै जग्गा कब्जा गरेको आरोप लगाएका छन् ।
शनिवार आफनो जग्गा छुटयाउन जाँदा उर्मिला देवी महतोलगायत उनका भाईहरु आएर जवरजस्ती रोक लगाउँदै आएको बताए । अदालतले गरेको निर्णयलाई समेत नमानेर आफनो काकीले खरिद गरेको जग्गा कब्जा गर्दै आएकाले आफुलाई न्याय दिलाई दिनको लागि आइतवार पत्रकार सम्मेलनको आयोजना गरि प्रहरी प्रशासन र संचारकर्मीसंग आग्रह गरेका हुन् ।
पत्रकार सम्मेलनमा कानुन बमोजिम नेपाल सरकारलाई कर तिरेर जग्गा खरिद गर्ने अधिकार सवैलाई रहेकाले गर्दा आफनो काकीले भोगचलन गर्न पाउनुपर्नेमा व्यवसायी पंजियारले बताए ।