धनुषा, ०७६ चैत्र ३ गते ।
तराइ मधेशमा पटक पटक अवैध मदिरा सेवनले दर्जनौ व्यक्तिहरुको मृत्यु भई रहेको छ । अहिले धनुषाकै रमदैया र जनकपुरमा समेत अवैध मदिरा सेवनले २० भन्दा बढी व्यक्तिको मृत्यु भएको छ ।
अवैध भटटीमा मदिरा उत्पादन गर्नु कानुन विपरित भएपनि स्सथानि प्रहरी प्रशासनकै मिलोमतोमा त्यस्ता व्यवसाय हुदै आएको जनगुनासो आएकाले प्रदेश २ सरकार एक्सनमा आउने भएका छन् ।
मुख्यमन्त्री लालवावु राउतले आजै सोमवार प्रदेश प्रहरी प्रमुख, आन्तरिक मामिला तथा कानुन मन्त्री सहित सुरक्षा निकायका प्रमुखहरुलाई जनकपुरधाम बोलाएर छलफल गर्ने स्रोतले जनाएको छ ।
प्रहरी प्रशासनका नेतृत्व टिमविचको उपस्थितीमै खुल्ला मदिराको उत्पादन र विक्रि वितरण कसरी भइरहेको छ भने बारेमा मुख्यमन्त्रीले जानकारी लिने स्रोतले जनाएको छ ।
प्रदेशसभाको बैठकमा विपक्षीदलहरुले प्रहरीले पैसा खाएर खुल्ला मदिरा व्यवसायीहरुलाई प्रोत्साहन गरेको आरोप लगाउदै आएका छन् । भने विभिन्न संघसंस्थाहरुले मुख्यमन्त्रिलाई प्रदेश २ मा रक्सी सेवनमाथि बन्देज लगाउन ज्ञापनपत्र बुझाएकाले गर्दा प्रदेश सरकारले तत्कालै मदिरा बन्देज गराउने निर्णय गर्न सक्ने स्रोतले जनाएको छ ।
