धनुषा, चैत १३ गते ।
प्रदेश २ सरकारले कोरोनाविरुद्ध महामारीबाट लड्नका लागि प्रदेश २ का सवैमन्त्रिहरुले एक महिनाको तलव कोरोना संक्रमितविरुद्धको अक्षयकोषमा राख्ने निर्णय गरेका छन् । चैत १३ गते प्रदेश २ को मन्त्रि परिषदको बसेको बैठकबाट प्रदेश २ मा १५ करोडको अक्षयकोष स्थापना गर्ने निर्णय गरेको हो ।
प्रदेश २ सरकारले स्थापना गरेको अक्षयकोषमा सहयोग गर्न समेत इच्छुक व्यक्ति, बैंक, व्यापारीलगायत संघसंस्थाहरुलाई प्रदेश २ सरकारका प्रवक्ता एवं आन्तरिक मामिला तथा कानून मन्त्री ज्ञानेन्द्र कुमार यादवले आह्वान समेत गर्नुभएको छ ।
बैठकबाट मुख्यमन्त्रीको संयोजकत्वमा सबै मन्त्री सदस्य रहने गरि उच्च स्तरीय निर्देशन समिति गठन गरेको छ । महामारी नियन्त्रणको लागि आवश्यक व्यवस्थापन गर्न निमित्त प्रमुख सचिव नारायण दवाडीको संयोजकत्वमा सबै मन्त्रालयका सचिव रहने गरि विशेष कार्यकारी समिति गठन गरेको छ ।
कार्यकारी समितिलाई चैत १३ गते बसेको मन्त्रीपरिषद बैठकबाट विशेष परिस्थितिमा महामारी नियन्त्रणको लागी आवश्यक व्यवस्थापन गर्न निर्देशन समेत दिएको छ । कार्यकारी समितिले महामारी नियन्त्रणको लागी चाहिने आवश्यक सामग्रीहरुको खरिद विशेष परिस्थितिको लागी व्यवस्था गरिएको खरिद नियमावली बमोजिम गर्नेछ ।
प्रदेश २ को ३ अस्पतालमा जाँच ल्याव
चैत १३ गतेको मन्त्री परिषदको बैठकबाट प्रदेश २ को ३ अस्पतालमा कोरोना भाइरसको संक्रमण चेकजाँचका लागि ल्याव स्थापना गर्ने निर्णय गरेको हो ।
प्रादेशिक अस्पताल जनकपुर,नारायणी उपक्षेत्रीय अस्पताल विरगंज र गजेन्द्रनारायण सिंह उपक्षेत्रिय अस्पताल राजविराजमा कोरोना सम्बन्धि जाँच गर्ने ल्याबको स्थापना गर्ने निर्णय गरेको प्रदेश २ का आन्तरिक मामिला तथा कानुनमन्त्रि समेत रहेको प्रवक्ता ज्ञानेन्द्र कुमार यादवले बताउनुभयो ।
मन्त्री परिषदको बैठकले लक डाउनका कारण खानपानमा समस्या भएका मजदुर, गरिव जनताहरुका लागि राहत प्रदान गर्न स्थानीय तह संग समन्वय गरेर अघि बढ्ने निर्णय गरेको छ ।
दीपेन्द्रप्रसाद सिंह
यो विषयमा आफ्नो प्रतिक्रिया दिनुहोस् !