छाडाचौपाया नियन्त्रण सुरु

मंसिर २१, २०७६

राजविराज । पछ्रिल्लो केही समय यता सप्तरीको राजविराज नगरमा छाडा पशु चौपायाका कारणले सर्वसाधारणहरु आक्रान्त रहेको बेला नगरपालिकाले यसलाई नियन्त्रण गर्ने अभियानको थालनी गरेको छ ।
राजविराज नगरपािलकाले छाडा चौपाया नियन्त्रण कार्यलाई प्राथमिकताका साथ अगाडी बढाएको नगरपालिका कार्यालयले जनाएको छ । बढदो छाडा पशु चौपायाका कारणले नगरका मुख्य चौक गजेन्द्र चौक , जनआन्दोलन चौक ,अदालत रोड लगायतका स्थानहरुमा दर्जनौ पशु चौपाया जम्मा भएका कारणले गर्दा सर्वसाधारणदेखि लिएर सवारी साधनलाई आवत जावतमा निकै समस्या भईरहेको अवस्थामा नगरपालिकाले सो छाडा पशु चौपायालाई नियन्त्रणमा लिने अभियानको शुभारम्भ गरेका छन । नगरको मुख्य चौकहरुमा एका बिहानैदेखि रात्तिसम्म छाडा पशु चौपायाहरुले सडक नै जाम गर्ने कार्य गरेको थियो ।

यसैक्रममा नगरपालिकाले बिहिबारसम्ममा झण्डै तीन दर्जन भन्दा बढी छाडा पशु चौपायाहरुलाई नियन्त्रणमा लिएको नगरपालिका कार्यालयले जनाएको छ । झण्डै नगरपालिकाले यो अभियानको थालनी शुरु गरेपछि नगरमा रहेका छाडा पशु चौपाया वास्तवमा हदैसम्म नियन्त्रण गर्न सकिने विश्वास स्थानीय सरोकारवालाहरुको भनाई छ ।

यसरी नियन्त्रणमा लिएका छाडा पशु चौपायाका धनिसँग जरिवाना लिएर छाडने गरेको नगरपालिकाका उमाशंकर यादवले जानकारी दिनुभयो ।