धनुषा, ०७६ चैत २५ गते ।
लक्ष्मीनियाँ गाउँपालिकाले अति विपन्न परिवारलाई राहत समाग्री वितरण कार्य चैत २५ गते जारी राख्दै पालिकाको मंगलवार ६७ परिवार राहत वितरण गरेको जनाएको छ । राहत वितरण गर्नको लागि गाउँपालिकाले मापदण्ड तय गरेको छ ।
चार जना सदस्य रहेको परिवारलाई चामल सात किलोग्राम, दाल एक किलोग्राम, आलु दुई किलो ग्राम र नुन एक किलोग्राम वितरण गरेको छ ।
६ हजार घरधुरी रहेको गाउँपालिकामा दुई हजार बढी परिवारले राहतको माग गरेको छ । सात सदस्य रहेको परिवारलाई चामल १० किलोग्राम, दाल एक किलो पाँच सय ग्राम, आलु दुई किलो पाँच सय ग्राम र नुन एक किलोग्राम वितरण गरिएको गाउँपालिका अध्यक्ष विन्देश्वर यादवले जानकारी दिनुुभयो ।
यसअघि कोभीड–१९ को संक्रमण जोखिमन्युनिकरण गर्न पालिकाका बासिन्दालाई मास्क, स्यानेटाइजर, हैण्डवाश र साबुन लगायतको समाग्री वितरण गरि सकेको छ ।
लक्ष्मीनियाँ बजारस्थित लक्ष्मीनियाँ जनता माविमा १० शैय्याको क्वारेन्टाइन समेत संचालनमा ल्याएको छ ।
क्वारेन्टाइनमा राखिने सम्भावित संक्रमितको स्वास्थ्य जाँच, औषधी, भोजन, खाजा लगायतको व्यवस्थापन गाउँपालिकाले गर्ने प्रमुख प्रशासकीय अधिकृत हरिशंकर यादवले बताउनुभयो ।
कोरोना भाइरसको संक्रमण पैmलिन नदिन सरकारले लागु गरेको लकडाउनका कारण प्रभावित गरिब, विपन्न, दैनिक मजदुरी गर्नेलाई गाउँपालिकाले राहत वितरण गर्दै आएको वडाध्यक्ष समेत रहनुभएका पालिकाका प्रवक्ता फुलगेन यादवले बताउनुभयो ।
संक्रमण जोखिम न्युनिकरण गर्नको लागि सरकारले लागु गरेको लकडाउनको पालना गर्न पालिकाबासीहरुसित प्रवक्ता यादवले अपिल गर्नुभएको छ ।
दिपेन्द्रप्रसाद सिंह
