सुनिता महतो,महोतरी
महोत्तरी, बैशाख १५ गते । महोत्तरी गौशाला नगरपालिका —११ का किसान लक्ष्मी महतोको खेतमा तरकारी कुहिन थालेको छ ।
विश्वव्यापी कोरोना महामारीबाट वच्नका लागि सरकारले जारी गरेको लकडाउन (वन्दावन्दी)को कारण स्थानिय हाटवजार वन्द भएकोले महतोले एक विग्हामा लगाईएको विभिन्न किसिमका तरकारी वजारमा विक्री गर्न पाएका छैनन । महतोले भन्नुभया हामीले लकाउनको पालना गर्दै आएको छु जसले गर्दा यसबर्ष भारीमात्रामा नोक्सानी भएको छ ।
लकडाउनका कारण तरकारी बजारसम्म पुर्याउने वातावरण छैन । जसले गर्दा सागसव्जीहरु खेतमै कुहिन थालेको छ ।” गौशाला —८ स्थित मरहा नदीको वगरमा खेतीपाती गर्दै आएका सुकराम सदा भन्नुहुन्छ —“तरकारी खेतीबाट मगन्य आम्दानी हुन्छ भनेर खेतीपातीमा लागेथ्यो तर कठै लकडाउनले गर्दा अहिले हातमुख जोर्नका लागि समेत धौ धौ पर्ने भएको छ । वालवच्चाको पालनपोषण, पढाई लेखाई र जीवन निर्वाह गर्ने सपना सपनामै सिमित भयो ।”
त्यस्तै सुलभ रुपमा किसानहरुलाई तरकारी विक्री गर्नका लागि स्थानिय सरकारले उचित व्यवस्थापन नगरेको वर्दिवास नगरपालिका —९ का किसान सुकृत महतोको गुनासो रहेको छ । उहाँँ भन्नुहुन्छ —“मैले ५ कटठामा ३ हजारका दरले लगानी गरि गोलभेडा लगाएका थियौ । गोलभेडा खेतमा तयारी अवस्थामा छ । अहिले विक्री गर्ने समयमा वजार वन्द भएपछि लगानी त परै जाओस विउनविजन र मलखाद्य वराबरको रकम नउठने भयो ।”
सरकारले जारी गरिएको लकडाउनको पालना गर्दै आएका यहाँका किसानहरुको लागि सरकारले स्थानियस्तरमा व्यवस्थित ढंगको तरकारी वजारको व्यवस्थापन गर्नुपर्ने जनजागरण कृषि सहकारी संस्था लिमिटेडका अध्यक्ष काशी महतोको भनाई रहेको छ । यस विपदको घडिमा कहि तरकारीको फालाफाल रहेको छ भने कहि तरकारी खान नपाएको अवस्था सिजर्ना भएको छ अव यस परिस्थितीमा यहाँका सहकारीहरुलाई तरकारी विक्रीका लागि विशेष भुमिका गर्नुपर्नेमा अध्यक्ष महतोले जोड दिनुभयो ।
यता, तरकारी विक्री गर्नका लागि स्थानियस्तरको बजारमा प्रतिवन्ध लगाईएको ईलाका प्रहरी कार्यालय गौशालाले जनाएको छ । तरकारी वजार लगाउने क्रममा लकडाउन पालना नहुने भएपछि सो निर्णय सर्वपक्षीय रुपमा गरिएको प्रहरी निरीक्षक प्रकाश रेग्मीले बताउनुभयो । विकल्पको रुपमा ठेला वा गाडामा विक्री गर्नका लागि स्थानिय किसानलाई छुट दिईएको प्रहरी निरीक्षक रेग्मीले जानकारी दिनुभयो ।
यस सम्बन्धमा महोत्तरीका प्रमुख जिल्ला अधिकारी सुर्य वहादुर खत्रीले यस परिस्थतीमा घरमै वसि लकडाउनको पालना गर्नका लागि सवैमा अनुरोध गरेको छ । अव तरकारीको सम्बन्धमा गाँउगाँउमा घुमेर भिड नहुने किसिमले तरकारी विक्री वितरण गर्नका लागि प्रमुख जिल्ला अधिकारी खत्रीले सवैमा अनुरोध गर्नुभएको हो ।
