धनुषा, ०७७ बैशाख २७ गते ।
धनुषाको लक्ष्मीनियाँ गाउँपालिका–५ भंगहा र बनिनियामा बैशाख १४ गतेदेखि संचालित निःशुल्क खाना शिविर वडाध्यक्ष फुलगेन यादवको दवावमा बन्द गरिएको स्थानियहरुले गुनासो गर्नुभएको छ ।
लकडाउनका कारण प्रभावित गरिव, विपन्न, मजदुर परिवारहरुका लागि साँझ र विहान सामाजिक दुरीको पालना गर्दै दैनिक ५ सय जनाले निःशुल्क खाना खादै आएको शिविर वडाध्यक्ष फुलगेन यादवले बन्द गर्न लगाएको स्थानिय श्रवणकुमार साहले गुनासो गर्नुभको छ ।
धनुषा चेम्बर अफ कमर्शका सदस्य श्रवण कुमार साहको अगुवाइमा लक्ष्मीनियाँ गाउँपालिका वडा नं. ५ को दुई टोलका गरिव, विपन्न परिवारलाई बैशाख २२ गतेदेखि खाना खुवाउँदै आएको थियो ।
जनकपुरधाम उमनपा–१४ मा अवस्थित श्री राधाकृष्ण सार्वजानिक पुस्तकालय , श्री भैरव कल्याण समाज नेपाल तथा मुजेलिया नागरिक समाजको संयुक्त आयोजनामा बैशाख २७ गते ११ औं दिन निरन्तर रुपमा निःशुल्क भोजन शिविर संचालनमा रहेको छ ।
व्यवसायी सोभित साहले दैनिक विहान र बेलुका ६ बजेदेखि ८ बजेसम्म पुरी, तरकारी, अचारलगायतको भोजन गराउँदै आउनुभएको छ । बैशाख १७ गतेदेखि सुरु गरिएको निःशुल्क भोजन वितरणमा पहिलो दिन १ सय ५ गरिब, अति बिपन्न परिवारका ५ सय ५ जनाको लागि खाना वितरण गरिएको थियो ।
शिविरको दोस्रो दिन १ सय २५ परिवारका ७ सय ५ जनालाई तयारी भोजन निरन्तर खुवाउदै आएको निःशुल्क भोजन वितरणका संयोजक शम्भु यादवले बताउनुभयो ।
