धनुषा, ०७७ जेठ ३२ गते ।
धनुषाको बटेश्वर गापा–२ राजपुरमा स्थानिय रामवावु साह नेतृत्वमा स्थानियबासिन्दाहरुले ३ जना युवालाई साढे ५ घण्टा बन्धक बनाएर कुटपिट गरि घाइते बनाएको पिडित परिवारले आरोप लगाएका छन् । बटेश्वर गापा–२ धुमासन बस्ने कुशेश्वर महतोको राजपुरमा खेत छ । खेतको नामसारीको वेलामा उल्टा भएको छ । त्यसैले खेतको सिमानाबारेमा राजपुरकै राममाबु साहसंग विवाद छ ।
कुशेश्वर महतोको ३ भाई छोरा जेठ ३२ गते विहान आफनो खेतमा रहेको आँप टिप्न गएका थिए । आँप टिप्ने क्रममा राजपुरका रामबावु साहको नेतृत्वमा स्थानियहरुले २२ वर्षीय मदन महतो, २१ वर्षीय रमन महतो र १८ वर्षीय चन्दन महतोलाई नियन्त्रणमा लिएर निर्घात रुपमा कुटपिट गरेका छन् ।
राजपुर निवासी रामबाबु साहले आफनो खेतको आँप टिपेको भन्दै बिहान साढे ११ बजे नियन्त्रणमा लिएर गाउँलेहरुलाई भेला गरेर कुटपिट कुशेश्वर महतोले बताए ।
टनाबारे जानकारी पाएर २ पटक घटनास्थल पुगेका प्रहरी चोकी बटेश्वरका इन्चार्ज शिवशंकर यादव नेतृत्वको टोलीलाई स्थानियहरुले नियन्त्रणमा लिएका ३ युवाहरुलाइ जिम्मा लगाउन चाहेनन् ।
घटनाबारे क्षिरेश्वरनाथ डटकमका सम्पादक समेत रहेका इन्सेक धनुषा प्रतिनिधी दिपेन्द्रप्रसाद सिंहले जानकारी गराएपछि बटेश्वर चौकीका इन्चार्ज र धनुषाका एसपी रमेश्वर बस्नेतलाई घटनाबारे जानकारी गराउँदै नियन्त्रणमा लिएका युवाहरुलाई छुटयाउन आग्रह गरेपछि साढे ५ बजे प्रहरीको टोलीले नियन्त्रणमुक्त गराएर ल्याई अभिभावकको जिम्मा लगाएका छन् ।
ता, युवकहरुलाई नियन्त्रणमा लिएका रामबाबु साहले आफ्नो बारीको आँप चोरी गरिरहेको अवस्थामा तीनहरुलाई आफुहरुले पक्राउ गरेको दावी गरेका छन् । पक्राउ गरिएका तीनैजना युवक ६ जनाको टोली बनाएर दिउँसै आँप टिपि रहेको अवस्थामा उनीहरुलाई पक्राउ गरेको दावी गर्दै साहले तीनजना भागेको र तीनजनालाई पक्राउ गर्न सफल भएको बताए ।
दुईपटक प्रहरी टोली आउँदा गाउँलेले यहिँ सजाय दिने भन्दै प्रहरीलाई जिम्मा नलगाउनु र कानुन आफनो हातमा लिनु अपराधिक क्रियाकलाप भएको इलाका ाप्रहरी कार्यालय महेन्द्रनगरका प्रहरी इस्पेक्टर पप्पु नायकले बताउनुभयो ।
री गरेको आरोपमा कसैलाई पक्राउ गरी प्रहरीलाई जिम्मा नलगाई कुटपिट गर्नु गाउँलेको ज्यादती भएको इन्स्पेक्टर नायकले बताउनुभयो । घटना विषयमा अनुसन्धान गरी दोषीहरुमाथि कारबाही प्रक्रिया अघि बढाउने प्रहरी निरीक्षक नायकको भनाइ छ ।
यता, युवकहरुका बुबा कुशेश्वर महतोले आफ्नो छोराहरुलाई रामबाबु लगायतले झुटो आरोप लगाएर पक्राउ गरी बन्धक बनाई निर्घात कुटपिट गरेको भन्दै न्यायका लागि अदालतसम्म जाने बताउनुभयो ।
यो विषयमा आफ्नो प्रतिक्रिया दिनुहोस् !