०७६ पुस २७ गते
निजी विद्यालयहरुको छाता संगठन प्यावसन नगर इकाई कमिटी सवैलाको प्रथम वार्षिकोत्सव भब्यताका साथ सम्पन्न भएको छ । नगर इकाई कमिटीका अध्यक्ष शम्भ नायकको अध्यक्षता तथा प्यावसनका केन्द्रिय सदस्य नरेन्द्र शर्माको प्रमुख आतिथ्यतामा आयोजित प्रथम वार्षिकोत्सवको अवसरमा निजी विद्यालयहरुले शिक्षा क्षेत्रमा ठुलो योगदान गरेको चर्चा गरिएको छ । सवैलाको शिक्षा क्षेत्रमा निजी विद्यालयहरुले ठुलो योगदान दिदै आएकोले निजी विद्यालयप्रति सरकारको हेर्ने संकुचित दृष्टिकोणलाई फराकिलो गर्नुपर्ने वक्ताहरुले बताएका छन् ।
प्यावसन नगर इकाई कमिटी सवैला रोयल धनुषा किड्स बोर्डिङ्ग स्कुलको प्राङ्गणमा आयोजना गरिएको थियो । प्रथम वार्षिकोत्सव कार्यक्रममा प्यावसन प्रदेश २ का उपाध्यक्ष महेश मण्डल, प्यावसन धनुषा अध्यक्ष गणेश साह, वरिष्ठ उपाध्यक्ष विनोद यादव, जनकपुर नगर इकाई कमिटीका सचिव शिवचरण साह, सवैलाका नगर शिक्षा समितीका संयोजक समेत रहेका वडा न.१ का अध्यक्ष कपिलदेव राउत गडेरी, वडा नं.३ का अध्यक्ष सन्तोष साहलगायतको प्यावसनसंग आवद्ध रहेको विभिन्न विद्यालयका शिक्षक, विद्यार्थीहरुको उपस्थिती रहेको प्यावसन सवैला नगर कमिटीका सचिव खुशीलाल महतोले जानकारी दिएका छन् ।
