धनुषा, ०७६ चैत १७ गते ।
धनुषाको शहीदनगर नगरपालिकाकाले कोरोना भाइरस लक्षित उपचार तथा व्यवस्थापनमा खटिएका स्वास्थ्यकर्मीहरुलाई दैनिक ५ सय भत्ता नगरपालिकाबाट उपलब्ध गराउने निर्णय गरेका छन् । नगरपालिकाको नगरस्तरिय गठित नोवेल कोरोना भाइरस लक्षित समन्वय समितिको संयोजक तथा नगर प्रमुख उदयकुमार बरबरिया यादवको अध्यक्षतामा बसेको बैठकले ३ वटा निर्णय पारित गरेको हो ।
विश्वभर फैलिदै गरेको कारोना भाइरस संक्रमित व्यक्तिलाई उपचारमा खटेका स्वास्थ्यकर्मी तथा कर्मचारीलाई कोरोना भाइरसको संक्रमित भएमा उपचारमा लाग्ने सम्पूर्ण खर्च नगरपालिकाले गर्ने निर्णय गरेको छ । उपचाररत कर्मचारी वा स्वास्थ्यकर्मीको मृत्यु भएको खण्डमा नगरपालिकाबाट १० लाख राहत प्रदान गरिने निर्णय गरेको छ ।
नगरपालिकाको क्षेत्रभित्रका बासिन्दाहरुलाई कोरोना भाइरसकबो संक्रमणको आंशका गरिएकोमा शंकास्पद व्यक्तिलाई क्वारेन्टाइनसम्म लैजान र लैजान वा उपचारको लागि प्रादेशिक अस्पतालसम्म लग्नुपर्नेमा नगरपालिकाबाट निःशुल्क एम्बुलेन्स सेवा प्रदान राहत प्रदान गरिने नगरप्रमुख उदयकुमार बरबरिया यादवले बताउनुभयो ।
कोरोना भाइरसका संक्रमित व्यक्तिहरुको संख्या दिनप्रतिदिन बढि रहेको बेलामा शहिदनगर नगरपालिकाले उच्च सर्तकता अपनाउँदै उपचारका लागि समेत व्यवस्था गरेको छ । नगरपालिकाले प्रत्येक वडामा बैदेशिक रोजगार र छिमेकी देश भारतबाट आएका व्यक्तिहरुको पहिचान गर्दै विशेष निगरानीमा राखेका छन् ।
स्वास्थ्यकर्मीहरुका लागि पिपिइ, ग्लोव, मास्कलगायतका अत्यावश्यक सामाग्रीहरुको समेत व्यवस्थापन गरि भाइरसको संक्रमण भएका हुन सक्ने व्यक्तिहरुलाइ विशेष निगरानीका साथ रेखदेख गर्न क्वारेन्टाइनको समेत व्यवस्थापन चुस्तदुस्तका साथ गर्नुभएको छ ।
यो विषयमा आफ्नो प्रतिक्रिया दिनुहोस् !