धनुषा,०७८ पुस २१ गते । जनकपुरधाम उपमहानगरपालिका–२१ कुर्थास्थित राजर्षि जनक माध्यमिक विद्यालयको जग्गा वडाध्यक्ष रामेश्वर महासेठ परिवारले समुदायका स्थानियबासिन्दाहरुलाई छलेर किर्ते लालपूर्जा बनाएको आरोप लगाएका छन् ।
पुस २० गते विद्यालयको सार्वजानिक सम्पत्ति संरक्षण, भौतिक पूर्वाधार विकास र गुणस्तरिय शिक्षा विषय अभिभावकहरुसंग गरेको छलफल तथा पत्रकार सम्मेलन कार्यक्रममा विद्यालयका प्रधानाध्यापक विरेन्द्रप्रसाद यादवले विद्यालयको ४ कोठे भवन भत्काइएपछि विद्यालयको पठन पाठनमा समस्या हुदै आएको बताए । उनले भने विद्यालयमा कक्षाकोठा अभाव छ, विद्यार्थीहरुलाई पठाउन समस्या भई रहेको छ ।
विद्यालयको जग्गा वर्तमान वडाध्यक्ष रामेश्वर महोसेठ परिवाले कब्बा गर्ने योजना रहेकाले आफुहरुलाई पटक पटक विद्यालय खाली गर्न दवाव आई रहेको बताए । कुर्थाको कित्ता नं. ५३ मा एक पोखरीसहितको ३ विगहा १५ कठठा ५ धुर जग्गामा विद्यालय रहेको छ । २०१५ सालमा स्थापना भई विधिवत रुपमा २०१७ सालदेखि पठन पाठन सुरु भएको विद्यालयको सम्पत्ति उपर महासेठ परिवारको नजर रहेको प्रधानाध्यापक यादवको आरोप छ । प्रधानाध्यापक यादवले विद्यालयको जग्गा किर्ते गरेको आरोपमा दुषित लालपुर्जा बदर गरि पाउँ भनी विद्यालयको तर्फबाट आफुले जिल्ला अदालत धनुषामा मुद्धा दायर गरेको बताए ।
युवा नेता सुरेश कोइरालाले विद्यालयको सम्पत्ति उपर वडाध्यक्ष परिवारको दुषित नजर पर्नु दुभाग्य रहेको बताए । उनले भने विद्यालयको सम्पत्ति विद्यालयकै नाममा हुनुपर्छ, यसका लागि स्थानियबासिन्दा, समाजसेवी, राजनितिकर्मी तथा शिक्षाप्रेमीको साथ र सहयोगले आफुले पूर्ण सहयोग गर्ने बताए । कोइरालाई विद्यालयको भौतिक सम्पत्तिको संरक्षण, गुणस्तरिय शिक्षाका लागि सवैको सहयोग हुनुपर्नेमा जोड दिए ।
कुर्थाका पूर्वप्रधान पञ्च रामफल पंडितले खाली सार्वजानिक जग्गामा पंचायत भवन, प्रहरी चौकी र स्कुल एक साथ सुरु भएको हो । यो पोखरी दनुवारको हो भन्दै २०२६ सालमा नापी कार्यालयको टोली आउँदा विद्यालयको नाममा नापनक्सा भएको बताए ।
स्थानिय समाजसेवी भोगेन्द्र रायले आफनो बाजे परसुराम अमात्यले स्थानियहरुको सहयोगमा २०१७ सालमा विद्यालयका स्थापना गरेको बताए । पछिल्लो समयमा आएर महासेठ परिवारले तत्कालिन विद्यालयका प्रधानाध्यापक, तत्कालिन प्रधान पंच आफु भएको अनुकुल पारेर विद्यालयको जग्गाको लालपुर्जा किर्ते गरेको आरोप लगाए । विद्यालयको भोगचलनमा रहेको जग्गा विद्यालयको सम्पत्ति हो, यो सम्पत्तिमा बचाउन आफुहरु खुन र पसिना एक गर्ने बताए ।
वडा नं. २१ का वडा सदस्य महेन्द्र महतो र वैद्यनाथ पंडितले समेत परापूर्व कालदेखि विद्यालय रहेको जग्गा विद्यालयकै नाममा हुनुपर्ने माग गरेका छन् । विद्यालयको भवन वडाध्यक्ष रामेश्वर महासेठको निर्देशनमा भत्काउनु गैरकानुनी भएको भन्दै विद्यालयको भवन र जग्गा हाम्रो कर्तव्य र दायित्व भएको बताए ।
स्थानिय समाजसेवी युवा नेता शम्भु झाले विद्यालयको सम्पत्ति बचाउनु हामी सवैका साझा अभियान र दायित्व भएकोले यसको लागि हामीलाई सवैको साथ र सहयोग हुनुपर्नेमा जोड दिनुभयो ।
यो विषयमा आफ्नो प्रतिक्रिया दिनुहोस् !