धनुषा,०७८ पुस ३० गते । प्रदेश नंं २ मा ५१ प्रतिशत जनतालाई कोरोना विरुद्धको खोप दिइएको प्रदेश २ का स्वास्थ्य निर्देशनालय प्रमुख विजय कुमार झाले बताउनुभयो ।
पहिलो र दोश्रो चरणको गरि खोप लिनेको संख्या ४३ प्रतिशत पुगेको निर्देशनालयले जनाएको छ । प्रदेश २ को ८ ओटा जिल्लाको १३६ ओटा पालिकामा कोरोना विरुद्धको खोप दिदै आएको छ ।
सरकारले पछिल्लो समयमा कोरोना विरुद्धको खोप कार्यक्रमलाई प्रभावकारी बनाउनका स्थानीय पालिकाहरुमार्फत नै खोप दिन थालेको छ ।
स्थानिय पालिकाहरुले १२ वर्ष देखि १७ वर्षका बालबालिकाहरुलाई सम्बन्धित विद्यालय र क्याम्पसमा समेत पुगेर खोप दिएका छन् ।
बटेश्वर गाउँपालिका वडा नं. १ स्थित श्री माध्यमिक विद्यालयमा समेत कोरोना भाइरसविरुद्ध खोप लगाएको विद्यालय व्यवस्थापन समितीका अध्यक्ष राजदेव महतोले बताउनुभयो । प्रदेश २ मा १२ वर्षदेखि १७ वर्षसम्मका उमेर समुहका युवा युवतीहरुलाई पहिलो चरणको खोप दिएको निर्देशक झाले बताउनुभयो ।
