धनुषा,०७६ फागुन २४ गते
विश्वयुद्धका बेला हिटलरको नाजी सेनाले गरेको ज्यादतीको अर्को प्रमाण फेला परेको छ । पोल्याण्डको एक पुरानो बजारमा मानिसको छालाबाट बनेको फोटो एल्बम मिलेसँगै नयाँ खुलासा भएको हो । दोस्रो विश्वयुद्धका बेला नाजी सेनाले बन्धक बनाएका व्यक्तिहरुको छालाबाट उक्त फोटो एल्बम बनाएको प्रयोगशाला परिक्षण पछि पत्ता लागेको हो ।
एल्बम बनाउनका लागि मानिसको छाला र कपालसमेत उपयोग भएको परिक्षणबाट थाहा लागेको छ । मानिसको छालाबाट बनेको उक्त फोटो एल्बम अस्चविट्ज मेमोरियल म्युजियममा राखिएको छ । उक्त म्युजियम पोल्याण्डको निकै पुरानो म्युजियम हो । सोही म्युजियमका कर्मचारीले उक्त फोटो एल्बम बजारमा भेटेका थिए ।
सुरुमा एल्बम भेट्दा गन्ध आएको र परिक्षण गर्दा यस्तो तथ्य बाहिर आएको म्युजियमले दावी गरेको छ । उक्त एल्बम बनाउनका लागि जर्मनीको बचेनवाल्डस्थित नाजी कन्ंसट्रेसन क्याम्पमा रहेका यहुदीहरुको छालाको प्रयोग भएको बताइएको छ । सन् १९३७ ताका नाजी सेनाले बनाएको उक्त क्याम्प अत्याचार र क्रुरताका लागि चिनिएको थियो । उक्त क्याम्पमा गएका कुनैपनि यहुदीहरु फिर्ता नआएको दावी गरिएको छ ।
उक्त क्याम्पमा कमाण्डर कार्ल ओट्टो कोच थिए । तर क्याम्पमा हत्या तथा अत्याचारका लागि उनकी श्रमिती इल्से कोच मुख्य जिम्मेवार रहेको बताइएको छ । इल्सेले पुरुष यहुदीहरुलाई निकै अत्याचार गर्दथिन् । इल्सेले पुरुष कैदीहरुको शरीरमा विशेष प्रकारको ट्याटु बनाउने र उक्त स्थानको छाला निकालेर विभिन्न डिजाइनमा एल्बम बनाउन लगाउने गरेको बताइएको छ । इल्सेले फोटो एल्बमसँगै टेबल कभर, किताबको खोललगायतका सामाग्री बनाउने गर्थिन् ।
युद्धपछि इल्सेका विरुद्ध अदालतमा मुद्दासमेत चलेको थियो । तर आफुले डा. एरिक वैग्नरले निकालेको मानव छालामा आधारित रहेर पिएचडी थेसीस लेखिरहेको बताएकी थिइन् । इल्सेलाई ‘द बिच अफ बचेनवाल्ड’ पनि भन्ने गरिएको थियो ।
