ढल्केवर,पुस १५ ।
मिथिला नगरपालिकाको वडा नंंंं.२ नक्टाझिज विश्वकार्मा चौक स्थित रहेकोे हिमालय युवा क्लव नक्टाझिजको २९ औं र हिमालय बहुउद्येश्य सहकारी संस्था लिमिटेड नक्टाझिजको १४ औं साधारण सभाको अवसरमा सप्ताहिक कार्यक्रमको तेस्रो दिन आज कलवकै प्राङ्गणमा सिङ्गल छात्र,छात्रा ब्याडमिन्टन प्रतियोगिता सम्पन गरेको छ । छात्रा ब्याडमिन्टन अन्तर्गत शिव शक्ति मा.वि.बटेश्वरकी जसिका परियार प्रथम,जनता मा.वि.हरिहरपुरकी सुस्मिता कुमारी महतो द्वितीय र गंगोत्री ई.बो.स्कुल महेन्द्रनगरकी रंजिता सिंह तृतीय स्थान हासिल गरेकी छिन् । त्यस्तै छात्र ब्याडमिन्टन प्रतियोगिता जारी रहेको छ । सप्ताब्यापी कार्यक्रमको पहिलो दिन वृक्षारोपन,दोस्रो दिन हिमालय युवा क्लव नक्टाझिजको खेल मैदानमा छात्र,छात्रा दौड प्रतियोगिता सम्पन्न गरेको थियो ।चौथो दिन राम जानकी विधा आश्रममा चित्रकला प्रतियोगिता पाँचौ दिन विश्वकर्मा चौक सरसफाइ छैठौं दिन राम जानकी विधा आश्रममा हाजरी जवाफ प्रतियोगिता र अन्तिम सातौ दिन पुस १९ गते शनिवारको दिन क्लव भवनको प्राङ्गणमा रक्तदान कार्यक्रम , साँस्कृति कार्यक्रम ,अतिरित्त क्रियाकलापहरुमा प्रथम,द्वितिय र तृतिय स्थान प्राप्त गर्ने सहभागीहरुलाई पुरस्कार वितरण गरी साधारण सभा सम्पन्न गर्ने कार्यक्रम रहेको क्लवका अध्यक्ष अरुण कुमार महतोले बताएका छन् ।
सम्पन्न भएको कार्यक्रममा वडा अध्यक्ष बिहारी महतो, क्लवका अध्यक्ष अरुण कुमार महतो सचिव शिव कुमार सिंह, हिमालय बहुउद्देश्य सहकारीको अध्यक्ष सत्यनारायण राय प्रबन्धक लक्ष्मी नारायण महतो ,पत्रकार रामचन्द्र महतो,शिक्षक विश्वनाथ महतो,जिवछ महतो,राविलास महतो,मनोज यादव एंवम क्लव र सहकारीको सदस्य,कर्मचारी लगायत विभिन्न संघ,संस्थाकाप्रतिनिधिहरुको समेत उपस्थिति रहेको थियो ।सामाजिक,धार्मिक,सांस्कृतिक,शिक्षा,स्वास्थय,खेलकुद तथा सरसफाइ लगायत क्षेत्रमा हिमालय युवा क्लव नक्टाझिजले अग्रिम भूमिका खेल्दै आएको छ । ग्रामिण क्षेत्रकै सबै भन्दा चर्चित र सक्रिय क्लवको रुपमा हिमालय यूवा क्लवलाई चिनिदैं आएको छ ।
यो विषयमा आफ्नो प्रतिक्रिया दिनुहोस् !