धनुषा,०७९ माघ १२ गते ।धनुषाको मिथिला नगरपालिका–५ श्रीपुर बस्ने २५ वर्षीय ओमप्रकाश महतो (दिलीप)को टिपरले किचेर हत्या गरेको मुद्दामा इलाका प्रहरीक कार्यालय ढल्केवरका तत्कालिन प्रहरी इन्स्पेक्टर हाल डिएसपी रामकुमार यादवलाई जिल्ला अदालत धनुषामा हाजिर हुन आदेश जारी भएको छ ।
माघ १० गते जिल्ला अदालत धनुषाका न्यायाधीश चित्र बहादुर गुरुङ्गको इजलाशले घटनास्थलको अनुगमन गरि प्रहरी रिर्पोट बनाउने तत्कालीन प्रहरी निरीक्षक राम कुमार यादव, रामकुमार भण्डारी र कुलान्नद अमातलाई अदालतमा हाजिर हुन आदेश दिइएको छ । ०७६ पुस २५ गते औरही खोलामा संचालित चुरियामाई बालुवा प्रशोधन क्रसर उद्योगमा विहान ५ बजे टिपरले किचेर दिलिपको हत्या गरिएको थियो ।
क्रसर संचालकले अवैध तरिकाले खोला दोहन गरि भन्दै विरोध जनाएकाले सुनियोजित तवरले टिपरले किचेर हत्या पिडीत मृतक दिलिपका वुवा रामजीवन महतोले यस घटनामा अदालतमा हालसम्म २० वटा पेशी चढिसकेको बताउनुभयो । उहाँले २० ओटा पेशी भएर पनि मुद्दाको अन्तिम फैसला नभई कहिले टिपर धनी , कहिले अनुसन्धानकर्तालाई बोलाएर अदालतमा बकपत्र गराउने काम भई रहेको बताउनुभयो ।
हत्या आरोपमा धनुषा प्रहरीले क्रसर सञ्चालक विपिन महतोलगायत सात जनालाई गिरफतार गरेको थियो । अहिले आरोपित मुनिन्द्र महतो, विपिन महतो र जितेन्द्र महतो पुर्पक्षको लागि थुनामा छन् भने रोशन कुमार यादव, विनोद महतो, सत्यनारायण महतो र शत्रुधन महतोलाई धरौटीमा रिहा भएका छन् । गरेको थियो ।
यो विषयमा आफ्नो प्रतिक्रिया दिनुहोस् !