उपभोत्ता समितीले काम गरेको रकम माग्दै प्रदेशसभा अगाडी गरे प्रदर्शन

धनुषा । पुस १५ गते ।
प्रदेश २ सरकारले आव २०७५÷०७६ मा विभिन्न उपभोत्ता समितीमार्फत गरेको काम सम्पन्न भएर पनि भुक्तानी नपाएको महिनौ भएपछि मंगलवार भुक्तानी गर्न माग गर्दै प्रदेशसभा भवन अगाडी युवाहरुले प्रदर्शन गरेका छन् ।
काम सम्पन्न गरेर पनि महिनौसम्म भुक्तानी रकम पाउने कुरेका उपभोत्ता समितिले मङ्गलबार प्रदेशसभाको बैठक बसि रहदा प्रदर्शन गरेको हो । प्रदर्शनका क्रममा मुख्यमन्त्री लालबाबु राउत र आर्थिक मामिला तथा योजनामन्त्री विजयकुमार यादवको राजीनामाको माग गर्दै उपभोत्ता समितीले प्रदेश २ सरकारविरुद्ध चर्को नारावाजी गरेका छन् ।
उपभोत्ता समितीले गरेको आन्दोलनमा नेपाली काग्रेसका सांसद प्रमोद यादव, सांसद प्रर्मिला देवी दास, प्रदेश २ का उद्योग, वन, वातावरण तथा पर्यटनमन्त्री रामनरेश यादवको सांसद उपेन्द्र महतोले समर्थन जनाएका थिए ।
प्रदेश सरकारले ८ सय ४२ योजनामा उपभोत्ता समितीमार्फत ८६ करोड ५२ लाख ३० हजार ४५ रुपैयाको काम गरेको भएपनि भुक्तानी भने अहिलेसम्म गरेको छैन ।
नेकपाका सांसद रामचन्द्र मण्डलले सोमवार बसेको प्रदेशसभाको बैठकमा उपभोत्ता समितीलाई उधारो समान दिने पसललेवालाहरुले मुद्धा लगाउने समय आएको बताउँदै भुक्तानी अविलम्व भुक्तानी गर्न माग गरेका थिए । उनले भने सरकारले करोडौ रुपैयाको खर्च गरेर भएपनि उपभोत्ता समितीलाई नदिनु लाज लाग्दैन किन पद ओगटेर बसेको भन्दै आलोचना गरेका थिए ।