धनुषाको शहिदनगर नगरपालिकाका मेयर उदय कुमार बरबरिया (यादव) ले नगरकी महिलाहरुलाई स्वरोजगारीको बाटोमा उन्मुख गरेको बताउनुभएको छ ।
शहिदनगर नगरपालिकाको विभिन्न वडामा सँचालन भएको सिलाई कटाई तालिमको उदघाटन सत्रमा मेयर बरबरियाले गरिब, विपन्न, अल्पसँख्यक, सीमान्तकृत समुदायलाई स्वरोजगार बनाउनको लागि घरेलु कामकाजको तालिम सुरुवात गरिएको बताउनुभयो ।
नगरपालिकाको वडा नं. ८ मा सिलाई कटाई तालिमलाई धनुषाका प्रमुख जिल्ला अधिकारी प्रदीपराज कनेलले रिबन काटेर उदघाटन गर्नुभयो । सिलाई कटाई तालिमलाई उदघाटन गर्दै प्रजिअ कनेलले स्थानीय स्तरमै स्वरोजगार उत्पन्न भई महिलाहरुले आफ्नो मिहिनेतमा घर चलाउन सजिलो हुने विश्वास व्यक्त गर्नुभयो । उहाँले सिलाई कटाई तालिमको माध्यमबाट गाउँ टोलमै स्वरोजगारीको अवसर समेत मिल्ने बताउनुभयो ।
गरिबी र विपन्नतालाई हटाउनको लागि नगरपालिकाद्धारा गरिएको तालिममा सहभागी महिलाहरुलाई एक महिनासम्म राम्ररी सिकाईलाई उकास्न आग्रह गर्नुभयो । सिलाई कटाई तालिमबाट पनि गरिबीको रेखामुनी रहेका समुदाय वा परिवारले जिवन धान्न एउटा औजार समेत बन्ने बताउनुभयो । तालिम एक महिनासम्म निरन्तर चल्नेछ ।
सो उदघाटन कार्यक्रममा जिल्ला प्रहरी धनुषाका प्रमुख, ससस्त्र प्रहरी प्रमुख, अभियाणी ललिता लाभ, रेलवे ट्रैक सरसफाई अभियन्ता तथा स्वक्षता अभियानी दिपक कुमार चौधरी, महिला अभियाणी रूबी झा, शाहिद नगरपालिका प्रमुख प्रशासकीय अधिकृत प्रमुख नन्द कुमार झा, रेडक्रॉस प्रमुख नरेश सिंह, मिथि फाउंडेशन तथा क्भ्ध्ब् को पदाधिकारी लगायत सयौंको संख्यामा स्थानीयबासीहरुको सहभागीता रहेको थियो ।
यो विषयमा आफ्नो प्रतिक्रिया दिनुहोस् !