१४ वर्षपछि घर आएका उमेश यादव गाउँलले सम्मानको लागि बनाएको मंचमै वेहोस भएर ढलेपछि

धनुषा, ०७६ माघ १४ गते ।
साउदी अरेवियामा पाकिस्तानी सहकर्मीको हत्या आरोपमा १४ वर्ष जेल जीवन विताएर गृह गाउँ पुगेका ३७ वर्षीय उमेश यादव विरामी भएका छन् । सामाजिक अभियन्ता सरोज रायको पहलमा नेपाल फर्किएका उनी सोमवार गृह गाउँ कमला नपा ३ पुगेका थिए । गाउँ पुगेपछि स्थानियवासिन्दाहरुले बाजागाजासहित भब्य स्वागत गरेका छन् ।
गाउँमा पञ्चेबाजासहित फुलमाला लगाउँदै उमेश यादवलाई गाउँलेहरुले स्वागत गरेका थिए । उमेश यादवलाई जेल जीवनबाट छुटाउन प्रयास गर्ने सामाजिक अभियन्ता सरोज रायलाई समेत गाउँलेहरुले फुलमाला र दोसल्ला ओढाएर सम्मान गरेका थिए । मृत्यु दण्डको सजाय पाएर १४ वर्षदेखि साउदीको जुवेलमा जेल जीवन विताउँदै आएका उमेश यादवलाई हेर्नेहरुको हजारौ भिड थियो । गाउँले, साथीभाई, आफन्तजनको भेटभाटमा उमेश यादवलाई भेटन आउनेहरुको समेत आँखाको आँसु थाम्न सकेको थिएन् ।
वर्षौपछिको खुशीको आँशुले दर्शकहरुको समेत आँखाको आँसु थाम्न नसकेको वेलामा उमेश यादवले चाहदा नचाहदै आफुलाई सम्झाउन सकेको थिएन् । उमेश यादवलाई सम्मानको लागि बनाइएको मंचमै उमेश यादव विरामी भएर ढल्केका थिए । उमेश यादव प्रेशरका विरामी हुन् । वर्षौपछि घरपरिवारसंगको मिलन र हर्षितपनाको खुशीयालीले गर्दा उनको प्रेसर बढेपछि उनी मंचमै ढलेपछि बेहोस् हुदै मुर्छा परेका थिए । उनलाई राति नै जनकपुरस्थित जानकी हेल्थ केयर एण्ड टिचिङ अस्पतालमा भर्ना गरेका थिए ।
प्रेशर बढेर बेहोस भएका उमेश यादवलाई जानकी हेल्थ केयरमा उपचारको क्रममा निकै प्रेसर बढेकाले वेहोस भएको डाक्टरले बताएका छन् । उमेश यादवलाई केही दिन शान्त भएर विना तनावले बस्नको लागि डाक्टरले आग्रह गरेको उनका छोरा कमलेश यादवले बताए । उनले भने पापालाई अहिले डाक्टरले धेरै नबोल्न र शान्त ठाउँमा बसेर खानपानमा ध्यान दिन भनेको बताए ।
उमेश यादव अहिले घर पुगेपछि विदेश जाने समयमा गाउँघरमा ५ प्रतिशत सैकडा व्याज तिर्ने गरि लिएको एक लाख ४० हजार रुपैया र घर खर्चको लागि लिएको ऋण अहिलेसम्म तिर्न सकेको छैन् । उनको रिहाइको लागि भएको १० कठठा जग्गा बेचि सकेको छ । उमेश यादवको नाममा अहिले बस्ने घर समेत नरहेकाले गर्दा गाउँमा तत्काल आमा वुवा बस्दै आएको घरमै बस्नुपर्ने बाध्यता रहेको बताएका छन् ।