जनयुद्ध दिवसको अवसरमा जनकपुरको ५ ठाउँमा दिप प्रज्वलन गर्ने

धनुषा, फागुन १ गते ।
आज फागुन १ गते नेपाल कम्युनिष्ट पार्टीले २५ औं जनयुद्ध दिवस भब्यताका साथ मनाउने भएको छ । नेकपाले भब्यताका साथ देशभरका जिल्ला जिल्लामा जनयुद्ध दिवस मनाउन लागेको हो । दिवसको अवसरमा नेकपा धनुषाले जनकपुरको ५ ठाउँमा जनयुद्ध दिवसको अवसरमा दिप प्रज्वलन गर्ने नेकपाका युवा नेता सरोज यादवले जानकारी दिएका छन् ।
नेकपा केन्द्रीय कार्यालयले पार्टी कार्यालय धुम्बाराहीमा श्रद्धाञ्जलीसभा कार्यक्रम आयोजन गर्न लागेको छ । श्रद्धाञ्जली सभा कार्यक्रममा नेकपाका कार्यकारी अध्यक्ष पुष्पकमल दाहाल (प्रचण्ड) सहभागी हुने भएका छन् ।
नेकपा धनुषाले बेलुका ५ बजे आयोजना गर्ने दिप प्रज्वलन कार्यक्रमअनुसार किसान संगठनले पिडारीचौक, महिला संगठनले मुरलीचौक, विद्यार्थी संगठनले क्याम्पस चौक, युवा संगठनले जनकचौक र पार्टीले भानुचौकमा कार्यक्रम गर्ने तय भएको युवा नेता सरोज यादवले जानकारी दिएका छन् ।
जनयुद्ध दिवसको अवसरमा शहिदनगरमा सार्वजानिक विदा
जनयुद्ध दिवसको अवसरमा धनुषाका सहिदनगर नगरपालिकामा आज सार्वजनिक विदा दिइएको छ । नगरपालिका कार्यालयले नगरमा सम्मान तथा श्रद्धाञ्जली कार्यक्रमको आयोजना गरेको नगर प्रमुख उदयकुमार बरवरिया यादवले जानकारी दिएका छन् । जनयुद्ध दिवसकोे अवसरमा नगरपालिका र नगरअन्तर्गतका कार्यालयहरु बन्द रहने जनाएको छ ।