धनुषा,०७६ फागुन ४ गते ।
गृहमन्त्री रामबहादुर थापा (बादल) ले ठेक्का कवुल गरेको मितिभित्रमा काम नगर्ने ठेकेदारलाई सरकारले कारबाही गर्ने बताएका छन् । पूर्वी मकवानपुरको बागमती गाउँपालिका ८, फापरबारीमा आयोजित कार्यक्रममा मन्त्रि थापाले समयमै काम सम्पन्न नगर्ने ठेकेदारलाई एक पटक समय दिएर अर्को पटक काम सम्पन्न नगरेको खण्डमा कारवाही गरिने बताएका हुन् ।
‘सरकारको दुई वर्ष पुरा गरेको अवसरमा ठेक्कापट्टा, विकास, निर्माण सम्बन्धि कुरा आज संसदमा पनि उठेको थियो, अहिले धेरै परियोजना अलपत्र अवस्थामा रहेको बताउँदै मन्त्रि थापाले ‘ठेकेदारहरुले अलपत्र अवस्थामा पु¥याई वर्षौ वर्षसम्म जनताको जनजिवनसंग सरोकार राख्ने बाटो, पुल, अन्य निर्माणको कामहरु समयमा पुरा नभएको बताए ।
कामहरु समयमै सम्पन्न नभएकाले गर्दा सरकारमाथि अख्तियारले समेत निगरानी बढेकाले गर्दा गृहमन्त्री थापाले ठेक्का सम्बन्धि सयौं उजुरी समेत परेकाले त्यस्ता ठेकेदारहरुलाई अन्तिम मौका दिने निर्णय गरेको खुलासा गरेका छन् ।
उनले भने मदन भण्डारी (मध्य पहाडी) लोकमार्ग्िस्थत मकवानपुर र सिन्धुली जोड्ने बागमती नदीमा काम थालेको नौ वर्ष विती सक्दा पनि पुल निर्माण नभएकोमा संसदमा पनि कुरा उठेको बताए । उनले काम सम्पन्न गर्न निर्माण कम्पनीलाई निर्देशन दिएका छन् । समयमा काम गर्न नसकेको खण्डमा ठेक्का रद्द गरेर कारबाही गर्ने बताएका थिए ।