आफन्तको झोला ३६० विद्यार्थीलाई प्रदान

जनकपुरधाम, १९ मंसिर ।
धनुषाको बटेश्वर गाउँपालिकाको दुई विद्यालयका ३६० जना विद्यार्थीलाई झोला प्रदान गरिएको छ । पूर्वमन्त्रि समेत रहेको प्रदेशसभा सांसद शत्रुधन महतोले शिक्षा, स्वास्थ्य र सामाजिक क्षेत्रमा कार्य गर्दै आएका आफन्त नेपाल नामक गैरसरकारी संस्थाको सहयोगमा बटेश्वर गाउँपालिका ४ स्थित जनजाति प्राथमिक विद्यालयका २१० जना विद्यार्थी र देवकी नमूना विद्यालयका १५० जना विद्यार्थीहरुलाई झोला प्रदान गरेको हो ।
शिक्षामा बालबालिकाको प्रोत्साहन गर्ने उद्देश्यले स्कुल झोला प्रदान गरिएको आफन्त नेपालका कार्यकारी निर्देशक जयप्रकाश मण्डलले जानकारी दिएका छन् ।
जनजाति प्राथमिक विद्यालयमा विद्यालय व्यवस्थापन समितिका अध्यक्ष शशि रविदासको अध्यक्षतामा तथा देवकी नमूना माध्यमिक विद्यालयमा लक्ष्मी महतोको अध्यक्षतामा झोला वितरण गरिएको हो ।
विद्यार्थीलाई झोला प्रदान गर्दै प्रदेशसभा सांसद शत्रुधन महतोले शैक्षिक क्षेत्रमा गैरसरकारी संस्थाहरुको योगदानलाई कदर गर्नुपर्ने बताएका थिए ।
झोला वितरण कार्यक्रममा बटेश्वर गाउँपाािलकाका अध्यक्ष डम्बर बहादुर राउत क्षेत्री, उपाध्यक्ष प्रमिला महतो, नेकपा जिल्ला कमिटी सदस्य ववि देवी महतो, वडा अध्यक्ष दीप रमण दाहाल, वडा नं. ३ अध्यक्ष हिरा महतो, प्रध्यनाध्यापक कोइली देवी जर्घा, सामाजिक अभियन्ता प्रदीप यादव मरबैता, विष्णुदेव यादवलगायतक अभिभावकहरुको उपस्थिती रहेको थियो ।
झोला पाएपछि विद्यार्थीहरु खुशी हुदै सधै झोला लिएर विद्यालय आउने बताएका थिए । झोला पाएपछि किताव कापीलगायतका अध्ययन सामाग्रीलाई राख्न सहज हुने आफन्त नेपालको ठम्याई रहेको छ ।