धनुषा,०७६ फागुन १३ ।
प्रदेश २ का मुख्यमन्त्री लालवावु राउतले संघीयतालाई बलियो बनाउन प्रदेश सरकार प्रतिवद्ध रहेको जिकिर गरेका छन् । नेपाली काँग्रेस धनुषाले महेन्द्र नारायण निधिको ९८औ जन्म जयन्ति दिवसको अवसरमा आयोजना गरेको कार्यक्रममा मुख्यमन्त्री राउतले प्रदेश २ सरकार तत्कालै परिवर्तन नहुने दावि गरेका छन् ।
यसै साता नेकपाका अध्यक्ष पुष्पकमल दहाल प्रचण्डले प्रदेश २ को सरकार फेर्ने दिएको अभिव्यक्ति प्रति लक्षित गर्दै मुख्यमन्त्री राउतले भने, ‘केही नेताहरु मञ्च पिच्छै बोली फेर्छन, अहिले संघीयतालाई धराप पार्ने गरि सरकार परिवर्तनको दिवा सपना देख्दै गरेकाले त्यो सपना पुरा नहुने दावि गरेका छन् ।
मुख्यमन्त्री लालबाबु राउतले स्वर्गिय महेन्द्र नारायण निधि लोकतन्त्रकै निधि रहेको बताएका छन् । नेपालको लोकतान्त्रिक आन्दोलनमा निधिले खेल्नु भएको भूमिका सदैव स्मरणीय रहने उल्लेख गरेका छन् ।
स्वर्गिय निधिको लोकतन्त्र प्रतिको आस्था, विचार र सिद्धान्तले उनलाई नामको निधि मात्र नभई लोकतन्त्रकै निधि बनाएको उल्लेख गर्दै मुख्यमन्त्रि राउतले आजको राजनीतिमा समेत उहाँ सबैको लागि प्रेरणाको श्रोत रहेको बताउनु भयो ।
‘स्वर्गीय निधिको निष्ठा, विचार, त्याग र समर्पणलाई हामी आफनो जिवनमा उतार्न सक्र्यौ भने सच्चा लोकतन्त्र स्थापना गर्न सक्छौ, सामाजिक न्याय स्थापना हुन सक्छ, उत्पिडनमा रहेको समुदायले न्याय पाउन सक्छ ।’
मुख्यमन्त्री राउतले स्वगीय निधिले लोकतन्त्रको आन्दोलनमा खेलेको भूमिका बारे चर्चा गर्दै तत्कालिन समयमा मधेशमा भइ रहेको उच्च बसाई सराई सराईलाई कडा विरोध गरेर मधेश प्रतिको भावनालाई प्रकट गर्नु भएको समेत बताए ।
काग्रेस धनुषाका जिल्ला सभापति महेश शंकर गिरीको अध्यक्षतामा भएको उक्त कार्यक्रममा नेपाली काँग्रेसका केन्द्रिय सदस्य महेन्द्र यादव, राम कृष्ण यादव, प्रदेश २ संसदीय दलका नेता राम सरोज यादव सहितका वक्ताहरुले सम्बोधन गरेका छन् ।
यो विषयमा आफ्नो प्रतिक्रिया दिनुहोस् !