काठमाण्डौ, फागुन २० गते
काभ्रेको बनेपामा बाहिर खाजा घरको बोर्ड भित्र यौनधन्धाको कारोवार गराउँदै आएका दुई जना होटल संचालकसहित ३ यौनमहिलाकर्मीलाई प्रहरीले पक्राउ गरेको छ । प्रहरीले खाजाघरमा छापामारी गर्दा अवैध यौन क्रियाकलाप गराउँदै आएका नरेश तिमिल्सिना र राजु भन्ने राजीव मानन्धरलाई पक्राउ गरेको हो ।
नरेश तिमिल्सिना होटल त्रिशूली खाजाघरका सञ्चालक हुन् भने राजु भन्ने राजीव मानन्धर होटल सगरमाथा एन्ड गेष्टहाउसका सञ्चालक रहेका छन् ।
‘बाहिर खाजाघर देखाएर भित्र यौनधन्दा सञ्चालन गर्दै आएको पाइएका कारण हामीले सञ्चालकलाई पक्राउ गरी आवश्यक कारवाहीका लागि प्रक्रिया अगाडि बढाएको इलाका प्रहरी कार्यालय बनेपाका प्रहरी निरीक्षक योगेन्द्र तिमिल्सिनाले बताएका छन् । बनेपामा होटलको नाममा केटी राखेर अवैध यौन धन्दा सञ्चालन गर्ने होटलको संख्या करिब २० जति रहेको प्रहरीले जनाएको छ ।