धनुषा, ०७६ फागुन २१ गते ।
प्रदेश २ का मुख्यमन्त्रि लालवावु राउतले पुरुषको तुलनामा महिलाहरु बढी इमान्दार हुने गरेको धारणा व्यक्त गरेका छन् । प्रदेश २ मा चाँडै महिलाहरु प्रशासकहरु हुने उनले दावि समेत गरेका छन् । प्रदेश सरकारले लोकसेवा आयोगमार्फत भर्ना गर्ने सम्पूर्ण पदपूर्तिको लागि महिलाहरुको सहभागिताको लागि ५० प्रतिशत सिट आक्षरण गरिएकाले गर्दा आउने दिनमा प्रदेश २ को अवस्थामा आमुल परिवर्तन हुने बताए ।
जनकपुरधाममा समग्र लैङ्गिक उत्तरदायी तथा जवाफदेही न्यायमा पहुँच सुढढिकरण परियोजना (सहज)सम्बन्धी आयोजित प्रदेशस्तरीय कार्याशाला गोष्ठिमा बोल्दै मुख्यमन्त्रि राउतले महिलाहरु नै बढी कर्मचारीहरु भएको खण्डमा महिलाहरुमाथि लिङ्कोे आधारमा हुने हिंसा समेत न्युनिकरण हुने विश्वासका साथ महिला कर्मचारी र प्रशासकहरुमार्फत पिडितले विश्वसनीय न्याय पाउनेमा आफु आशावादी रहेको बताए ।
घरमा छोरी जन्मिदा हामीले घरको बोझ सम्झदै आएकाले गर्दा प्रदेश सरकारले २०७५ माघपछि जन्मिएका छोरीहरुको भविष्य सुनिश्चित गर्नका लागि ३ लाखको स्वास्थ्य विमा समेत गरिदै आएको बताए । उनले भने शिक्षामा छोरीहरुको पहुँच बढाउनका लागि प्रदेश सरकार विभिन्न गैरसरकारी संघसंस्थाहरुको सहयोग, सहकार्य गरेर अगाडी बढ्ने बताए ।
कार्यक्रममा सामाजिक विकास राज्यमन्त्रि अभिराम शर्माले छोरीहरुको पहुँच सत्ता र सम्पत्तिमा समान पहुँच नहुञ्जेलसम्म विभेद रहि रहने भएकाले गर्दा छोरीहरुको समुचित विकासको लागि शिक्षामा जोड दिनुपर्ने बताएका छन् । छोरीहरुको शिक्षाको लागि प्रदेश सरकार सहयोग गर्न विभिन्न योजनाहरु ल्याएको बताए ।
कार्यक्रममा प्रदेश २ का मुख्यन्यायधिवक्ता दिपेन्द्र झाले प्रदेश सरकार छोरीहरुको सुरक्षा र भविष्य सुुनिश्चिताको लागि कडा कानुन बनाएर लैङ्गिक हिंसा अन्त्यका लागि अग्रसर रहेको बताए । उनले भने छोरीहरुको शिक्षाको क्षेत्रमा सशक्त र आत्मवल बढाउनको लागि १४ हजार छात्रालाई साइकल वितरण गरेको छ । विद्यालयहरुमा प्याड वितरण गरिदै आएको छ । छोरीहरुको विमालगायतका विभिन्न योजना प्रदेश सरकारले ल्याएकाले गर्दा अव आउने दिनमा लैङ्गिक हिंसा अन्त्य हुनेमा आफु विश्वस्त रहेको बताएका थिए ।