धनुषा,०७६ फागुन २५ गते
१ सय १० औँ अन्तर्राष्ट्रिय श्रमिक महिला दिवसको अवसरमा ओरेक नेपालले घरेलु कामलाई कामको रुपमा मान्यता दिन र सुरक्षित वातावरणमा काम गर्ने वातावरण सृजना गर्न माग गरेका छनु । श्रमिक महिला दिवसको अवसरमा ओरेक धनुषाका परियोजना संयोजक रोजलिन सिंह बछारले जारी गरेको प्रेस विज्ञप्तिमा ७ वटा माग गर्दै जवसम्म महिलाको कामलाई काम मानिदैन र श्रमिकको रुपमा उनीहरुको अधिकार सुनिश्चित गरिदैन तवसम्म देशको ५१ प्रतिशत उत्पादनशिल जनसंख्उा देशको विकासमा समान साझेदार हुन नसक्ने बताएका छन् ।
ओरेकले जारी गरेको प्रेस विज्ञप्तिमा घरेलु श्रम तथा घर आधारित श्रमलगायत सवै सेवामुलक कामलाई उत्पादनमुलक कामको रुपमा गणना गर्दै हरेक क्षेत्रमा क्रियाशिल श्रमिक महिलाका लागि न्यायोचित ज्याला पाउने व्यवस्थाको व्यवहारिक कार्यान्वयनका निम्ति संघ, प्रदेश एवम् स्थानियस्तरबाट नीतिगत व्यवस्था गरि कार्यान्वयनमा ल्याउनका लागि माग गरेका छनु ।
श्रमिक महिला कार्यरत कार्यस्थललाई उपयुक्त अनुकुलतासहित अपांगमैत्री वातावरण बनाई अपांगता भएका महिलाहरुको रोजगारीमा समान अवसर तथा पहुँच निमार्ण गर्न, अपागंता भएका महिलाहरुको आवश्यकता पहिचान गरि दिगो जीविकोपार्जनका लागि सिप तथा व्यवसायिक तालिमहरु प्रदान गर्न माग गरेका छन् ।
विज्ञप्तिमा कार्यस्थलमा हुने गरेको यौनजन्य दुव्र्यवहार विरुद्धको आइएलो महासन्धि १९० र घरेलु श्रमसम्बन्धि आइएलओ महासन्धि तुरुन्तै अनुमोदन गर्न जोडदार रुपमा माग गरेका छन् । नेपालका कानुनी व्यवस्थालाई अन्र्तराष्ट्रिय कानुनअनुकुल परिमार्जन गर्न र हरेक प्रतिष्ठानभित्र गोप्य उजुरी कक्षलगायतका आवश्यक व्यवस्था गर्न माग गरेका छन् ।
