धनुषा, ०७६ फागुन २७ गते ।
धनुषाको नगराइन नगरपालिका–२ जटहीका सुकदेव सदा र बेचनी सदाकी २० वर्षीया छोरी पूजा सदाको फागुन २५ गते धनुषाको मिथिला विहारी नगरपालिका बस्ने रोहित सदाका २१ वर्षीय छोरा सुशील सदासंग हुने तय गरिएको विवाह दहेजमा मोटरसाइकल नदिएको भनि रोकिएको घटनाबारे मानवअधिकारकर्मीहरुको गम्भिर ध्यानाकर्षण भएको छ ।
फागुन २९ गते अनौपचारिक क्षेत्र सेवा केन्द्र (इन्सेक ) प्रदेश २ का संयोजक राजु पासवान, इन्सेक धनुषा प्रतिनिधी दिपेन्द्रप्रसाद सिंह, महिला पुर्नस्थापना केन्द्र (ओरेक) धनुषाका परियोजना संयोजक रोजलिन सिंह बछार र महिला मानवअधिकार रक्षक संजाल धनुषाका अध्यक्ष शिला झा पिडितको घरमा पुगेर घटनाबारे जानकारी लिएकोे हो ।
मानवअधिकारकर्मीहरुको टोलीले पिडितको आर्थिक अवस्था अत्यन्तै कमजोर रहेको वेलामा दहेजमा २ आना सुन र मोटरसाइकल नदिएको भन्दै विवाह गर्न नआएपछि विवाहको लागि तयार गरिएको टेन्ट, मण्डप, खानपानलगायतको विवाह सामाग्री खरिदमा लाखौ रकम खर्च भएको ठहर गरेका छन् । पिडित केटी पक्षको आर्थिक अवस्था कमजोर भएपनि छोरीको विवाहको लागि ५ प्रतिशत सैकडा दरमा ३ लाख रकम क्रटण लिएर विवाह उत्सव मनाउनु दुःखद रहेको इन्सेकले ठहर गरेको छ ।
मानवअधिकारकर्मीको टोलीले पिडितको घर पुगेर स्थलगत जानकारी लिदै नगराइन नगरपालिकाका उपमेयर रंजु साहलाई दहेजमा मोटरसाइकल नदिएको निहुँमा लाखौ रकम विवाह उत्सवमा खर्च गराएर विवाह गर्न नआएकाले विना दहेजको आदर्श विवाह गराउन पहल गरि दिनको लागि आग्रह समेत गरेका छन् ।
नगराइन नपाका उपमेयर साहले आफुले यस घटनाबारेमा ध्यानाकर्षण भएको भन्दै आफुले न्यायिक समितीमार्फत पहल गर्ने बताउनुभएको छ । दहेजमा मोटरसाइकल नपाएर विवाह गर्न नआउने केटाको घर रहेको मिथिला विहारी नपाका उपमेयर अनिता यादवसंग कुरा गरेर पिडित पक्षलाई न्याय दिलाउने पहल गर्ने बताउनुभएको छ ।
दिपेन्द्रप्रसाद सिंह
यो विषयमा आफ्नो प्रतिक्रिया दिनुहोस् !