सरकारमाथि कारोना भाइरस झै जाइ लाग्ने नेकपाका सांसद मण्डलले गरे उदघोष

धनुषा, ०७६ चैत्र १ गते ।
प्रदेश २ सरकारले जनताको भावनाअनुसार काम गर्न नसकेको नेकपाका सांसद रामचन्द्र मण्डलले दावि गर्नुभएको छ । सांसद मण्डलले प्रदेश २ सरकार एउटा समेत काम जनतामुखि गर्न नसकेको तर संघिय सरकारलाई दोष देखाउने प्रदेश २ को सदनलाई गप्पी बनाएको दावि गर्नुभयो । उहाँले भन्नुभयो निकम्मापना देखाएर हुदैन कमाण्ड लेस, काम लेस सरकारले जनतामुखी काम गर्ने हिम्मत नभए सरकारमा बसेर सरकारी सेवा सुविधाको दुरुपयोग गर्न नछोडे हामी विपक्षी दलका सांसदहरु हातमा दही जमाएर बस्दैनौं, विश्वभरि फैलिदै गरेको कोरोना भाइरस झै सरकारमाथि जाई लाग्छौं ।
मुख्यमन्त्रि लालवावु राउतले प्रदेशका मन्त्रि, सचिव र कर्मचारीलाई कमाण्ड गर्न असक्षम रहेकाले राजिनामा दिएर मार्ग प्रशस्त गर्न माग गर्नुभयो । सरकारका अगुवाले आफना मातहतका तल्लो तहका निकायलाई कमाण्ड गर्न नसकेकाले काम लेस मुख्यमन्त्रिले राजिनामा दिनुपर्नेमा जोड दिनुभएको छ । २ वर्षदेखि आफुहरु सरकारलाई साथ र समर्थन दिदै आएपनि आफनै सत्तासाक्षेदार दल र मन्त्रिहरुविचमा असमक्षदारी बढेकाले गर्दा सोको दायित्वबोध गर्नुपर्ने बताउनुभयो ।
प्रदेश २ सरकार गैरजिम्मेवार काम गर्दै आएकाले गर्दा आफुहरु हातमा दहि जमाएर बस्न नसक्ने बताउनुभएको छ । विशेष समयमा बोल्दै प्रदेश सांसद मण्डलले सरकारले उपभोत्ता समितीको बाँकी बक्यौत्ता अविलम्ब भुत्तानी गराउन नसकेको खण्डमा सदनमा आवाज उठान गर्ने र सरकारको कार्यालयमा तालावन्दी गर्ने चेतावनी दिनुभएको छ ।
सरकारका मन्त्रिहरुविच आपसी द्धन्द्ध रहेको बताउँदै सांसद मण्डलले भने प्रदेश सरकारले भन्छ कर्मचारीलाई संघिय सरकारले सिकाएर पठाएका छन् तर यहाँका मन्त्रि र सत्तासाक्षेदार सांसदलाई कसले सिकाएको भन्दै प्रश्न गर्नुभयो । उहाँले भन्नुभयो सदनमा मुख्यमन्त्रिले जवाफ दिएर हुदैन मुख्यसचिव आएर जवाफ दिनुपर्छ ।
भुक्तानीको सवालमा निकै जोड दिएका सांसद मण्डलले संघियताको कभरमा कति दिनसम्म जालझेल हुने बताउनुभयो ।
सांसद मण्डलले भने हामीलाई काम चाहिएको जालझेल र निकम्मापना नदेखाउनुस् । प्रदेश २ सरकारले आजसम्म एउटा काम समेत राम्रो गर्न नसकेको भन्दै हामीलाई रेड कार्ड समेत उपलब्ध गराउन नसकेकोप्रति आक्रोश व्यक्त गर्नुभयो ।
आफुहरुलाई समेत सरकारको बजेट र योजनाबारे जानकारी दिइदैनन्, सांसदलाई समेत जानकारी नदिने सरकारले पत्रकारलाई सुचना दिने कुरै नभएको बताउनुभयो । प्रदेश २ सरकारले जनताको भावना अनुसारको काम गर्न नसकेर सदनलाई गप्पीको अखाडा बनाएको दावि गर्नुभयो ।