महन्थ कुट्ने पुजारीविरुद्ध उजुरी दर्ता

धनुषा, ०७६ चैत्र ९ गते ।
जनकपुरधाम उपमहानगरपालिका–८ स्थित मधुकर कुञ्जका ९५ वर्षीय वृद्ध महन्थ मोती माईमाथि निर्घात रुपमा कुटपिट गर्ने पुजारीविरुद्ध उजुरी दर्ता भएको छ । कुटपिट गर्दै दाँत समेत भाँचि दिएको आरोपमाा महन्थ मोतीमाईले मंदिरकै पुजारी हरि शरण र रामसिया शरणविरुद्ध जिल्ला प्रहरी कार्यालय धनुषामा उजुरी दर्ता गराएका हुन् ।
पुजारी हरि र रामसियाले मन्दिरमाथि एकलौटी कब्जा गर्न थालेको र त्यसमा आफुले असहयोग गरेपछि आफु र विमल शरणलाई निर्घात रुपमा कुटपीट गरेको मंदिरका महन्थ मोती माईले आरोपले लगाएकी हुन् ।
९५ वर्षिय मोती माई विगत ८० वर्षदेखि सोही मन्दिरमा बस्दै आएकी छिन् । मोती माई मंन्दिरका महन्थ रामप्रतापि शरणको मृत्युपश्चात विगत ६ वर्षदेखि महन्थको रुपमा रहेकी छिन् ।
मन्दिर ६ कठ्ठा जग्गा फैलिएको छ । मंदिरको जग्गा वसविट्टीमा १ विघा ४ कठ्ठा रहेको छ । मंदिरका पुजारी हरि र रामसियाले कब्जा गर्न आफुहरुलाई मंदिरबाट विस्थापित गर्न पटक पटक कुटपिट गर्दै आएपछि अन्ततः सहन नसकेर मोती माई र विमलले प्रहरीसमक्ष जाहेरी दर्ता गराएको बताए । ।
दिपेन्द्रप्रसाद सिंह