धनुषामा लकडाउन उल्लघंन गर्ने २६ जनासहित ७५ सवारी साधन नियन्त्रण लिइयो

धनुषा, ०७६ चैत १३ गते ।
धनुषामा विश्वव्यापी रुपमा फैलिदै गरेको कोरोना भाइरस कोभिड १९ बाट बच्न देशब्यापी रुपमा गरिएको लक डाउन तथा कर्फ्युको अवज्ञा गर्ने २६ जनालाई पक्राउ गरेको छ ।
चैत्र १२ गते विहान ६ बजेदेखि साँझ ६ बजेसम्म लक डाउन तथा कर्फ्युको अवज्ञा गर्ने २६ मानिससहित ७५ वटा सवारीसाधन नेपाल प्रहरीले नियन्त्रणमा लिएको छ । धनुषामा नियन्त्रणमा लिएको सवारी साधनमा ७२ वटा मोटर साईकल, १ वटा अटो रिक्सा, २ वटा ट्रयाक्टर गरि जम्मा ७५ वटा सवारी साधन नियन्त्रणमा लिएको जिल्ला प्रहरी कार्यालय धनुषाका डिएसपी रामेश्वर कार्कीले जानकारी दिएका छन् ।