जनकपुरधाम । धनुषा क्षीरेश्वरनाथ नगरपालिकाका नगर प्रमुख योगेन्द्र पजियारले सर्वसाधारणलाई राहत बाड्ने भएको छ ।
नगरपालिका अन्तर्गतका दैनिक ज्याला मजदुरीमा काम गर्ने व्यक्तिहरुलाई लकडाउनको समयमा समस्यामा रहेका व्यक्तिहरुलाई राहत बाड्ने जनाएको छ ।
नगरपालिकाका अन्तर्गतका १० वटै वडाका वडाअध्यक्षहरुलाई गरिब तथा दैनिक ज्याला मजदुरीमा काम गरी जीवन निर्वाह गरिरहेका व्यक्तिहरुको पारिवारिक विवरण तथ्यांक सहित शनिवार(आज) सम्म पेश गर्न भनिएकाे मेयर पजियारले बताए ।
उनले भने,–आज साँझसम्म वडाअध्यक्षहरुले तथ्यांक पेश गर्ने छन् र सोही अनुरुप भोली खाद्यान्न लगायतका विभिन्न अत्यावश्यक सामग्रीहरु वितरण गर्ने बताए ।
त्यस्तै मेयर पजियारले नगरबासीलाई अत्यावश्यक कामबाहेक घरबाहिर ननिस्कन आग्रह गरेका छन् । उनले नगरपालिकाको कुनै वडा, टोल वा गाउँमा हालै विदेश वा भारतबाट आएका व्यक्तिको बारेमा नजिकका जनप्रतिनिधि, स्वास्थ्य चौकी वा स्वास्थ्य संयोजक को नम्बर ९८४४०३०५४६ र स–संयोजकको नम्बर ९८४४०५४७३१ मा सम्पर्क राख्न समेत अपिल गरेका छन् ।
उनले नगरपालिका ५ महेन्द्रनगरस्थित नवनिर्मित भवनमा आईशोलेशनको व्यवस्था समेत भईरहेको बताए ।
त्यस्तै वडा नं.४ का वडाअध्यक्ष जगदीश यादवले मास्क वितरण गरेका छन् ।
नगरपालिका अन्तर्गत वडा नं.४ को चन्दरपुर अर्जनमा र हरैयामा ५ सय मास्क वितरण गरेका छन् । विश्वभर फैलिँदै गएको कोरोना भाइरसको महामारीबाट बच्न मास्क वितरण गरिएको वडाअध्यक्ष यादवले बताएका छन् ।
वडाअध्यक्ष यादवले वडामा मास्क वितरण गरिनुका साथै कोरोना सम्बन्धी जनचेता समेत जनतामा दिईएको बताए ।
उनले शनिवार(आज) मास्क वितरण गर्दै भोली स्यानिटाईजर र साबुन वितरण गर्ने बताए ।
वडा अध्यक्ष यादवले सर्वसाधारणको घरमै पुगी मास्क वितरण गरेका छन् ।
आफ्ना जनताको सुरक्षामा दिन दिनरात खट्ने प्रतिवद्धता गरी जननिर्वाचित वडाअध्यक्ष यादवले वडाबासीलाई सुरक्षित भएर बस्न आग्रहसमेत गरेका छन् ।
उनले वडाबासीलाई ज्वरो, टाउँको दुखाई लगायतका लक्षण देखिए वास्वास्थ्यमा अन्य केही समस्या आए आफूलाई तत्कालै खबर गर्न आग्रह गरे ।
