जनकपुरधाम,१९ चैत्र ।प्रदेश २ को आठ जिल्लामा ५ सय ४ जना क्वारेन्टाइनमा राखिएका छन् ।होम क्वारेन्टाइनमा १ सय ५१ जना छन् ।आइसोलेशनमा १७ जना रोगी रहेको कोरोना भाइरस द्रुत प्रतिकार प्राविधिक समिति संयोजक विजय झाले जनाए ।
झाका अनुसार हाल सम्म प्रदेश २ बाट परीक्षणका लागि टेकु प्रयोगशालामा पठाइएको आठ जनाकै स्वाबको रिर्पोट निगेटीव आएकोछ ।सोमवार धनुषाबाट १५ जनाको स्वाब परीक्षणका लागि टेकु राष्ट्रिय प्रयोगशालामा पठाइएको उनले जनाए ।
प्रदेशमा ९९ स्थानमा क्वारेन्टाइन स्थापना गरिएकोछ ।त्यसमा २ हजार ४६ बेड राखिएकोछ ।आइसोलेशनको ६९ वटा बेड रहेकोछ ।
प्रदेश प्रहरी कार्यालयका अनुसार मंगलवार लकडाउन उल्लंघन गर्ने ९ जनालाई नियन्त्रणमा लिएकोछ ।प्रदेश प्रहरी प्रवक्ता एसपी जयराज सापकोटाका अनुसार मंगलवार ३ वटा ठूला सवारी साधन, २ वटा साना सवारी साधन, मोटरसाइकल ७०, साइकल १२ र तीन पांग्रे एउटा प्रहरीले नियन्त्रणमा लिएकोछ ।
भारतको दिल्लीमा मुसलमानहरुको आयोजित धार्मिक सम्मेलनमा सहभागि नेपाली मुसलमानहरुको व्यापक खोजी भइरहेको उनले जनाए ।
दोस्रो चरणको लकडाउन बुधवारबाट प्रारम्भ हुँदैछ ।पहिलो चरणको भन्दा बढी प्रभावकारी बनाउने तयारी गरिएकोछ ।
