धनुषा, ०७७ बैशाख २४ गते ।
धनुषाको शहिदनगर नगरपालिका वडा न.८ बिसरभोरा र डुमरियामा कमला बचाउ अभियानद्धारा राहत सामाग्री सहयोग गरिएको छ । कमला बचाउन अभियानीहरुले विसरभोराका दास टोलमा १० घरपरिवार र डुमरियामा ५ घरपरिवार गरि जम्मा १५ परिवारलाई राहत सामाग्री प्रदान गरेका छन् ।
कमला बचाउन अभियानको आयोजनामा शहिदनगर नगरपालिकाका मेयर उदय बरबरिया यादवको नेतृत्वमा मिथिला वाईलड लाईफको सहयोगमा राहत सामाग्री सहयोग गरिएको हो । राहत सामाग्रीमा चामल १५ के जी,दाल ३ केजी ,खाने तेल २ केजी,आलु ३केजी,नुन १केजी,प्याज १केजी सुवाबिन १ केजी साबुन २ पिस रहेको छ ।
राहत वितरण कार्यक्रममा मिथिला वाईलड लाईफको संयोजक देवनारायण मण्डल,शहिदनगरपालिका वडा अध्यक्ष तनुकलाल कुसैत यादव, स्थानीय समाजसेवी राजकिशोर सलहैता,रुपेस बिराजी ,नरेस यादव ,आसुतोश यादवको उपस्थिती रहेको थियो ।
