महोत्तरी, ०७७ जेठ ६ गते ।
महोत्तरीको जलेश्वर नपा–११ लोचना बस्ने ३२ वर्षीय सविता ठाकुरको कुटपिट गरि यातना दिएर हत्या गरेको माइती पक्षले दावि गरेको छ । लोचनाका मनोज ठाकुरकी २ छोरा र एक छोरीकी आमा ३२ वर्षीया सविता ठाकुरको लास जेठ २ गते साँझ घरबाटै फेला परेको छ ।
धनुषाको बटेश्वर गापा–५ शान्तिपुर माइती भएकी सविताको कुटपिट गरेर श्रीमानलगायत घरकै सदस्यहरुले घाँटी थिचेर हत्या गरेको मृतकका दाजु शिवजी ठाकुरले दावि गर्दै आएका छन् ।
शिवजी ठाकुर भन्छन् घटना जेठ २ गते शुक्रवार साँझमै भएको हो तर हामीलाई भोलीपल्ट १० बजे जानकारी दिइयो, हामी पुग्दा बहिनीको शरिरभरि कुटपिट गरेको निलडाम रहेको थियो, बहिनीको जेठ ३ गते नै जलेश्वर अस्पतालमा पोस्र्टमाटम गरि परिवारजनलाई दाहसंस्कार गर्न जिम्मा दिइयो ।
तर आफुलाई अझै पनि बहिनीको शरिरभरि देखिएको निलडामको छाप आँखाबाट हटेको छैनन्, बहिनीको हत्या गरेर घटना लुकाउन आत्महत्या गरेको भनी परिवारजनले झुठो बोल्दै आएको बताए ।
घटनास्थलमा प्रहरी र महिला अधिकारकर्मीहरु पुग्नपूर्व नै पासो लागेको बताउँदै परिवारजनले आफुहरुले पासो खोलेर भुँइमा लास राखेको दावि गर्दै आएको छ । माइती पक्षले घटना भएकै दिनदेखि लगातार जिल्ला प्रहरी कार्यालय महोत्तरी पुगेर बहिनीको हत्या भएको भन्दै किटानी जाहेरी दिदाँ प्रहरीले दर्ता नगरेको आरोप शिवजी ठाकुरले लगाएका छन् ।
माइतीपक्षका तर्फबाट बटेश्वरका नेकपाका युवा नेता सुनिल साह समेत सविताको मृत्यु घटना शंकास्पद रहेकाले प्रहरीले सहि तथ्य तरिकाले छानविन गर्नु पर्ने माग गरेका छन् । उनले भने माइती पक्षको तर्फबाट आफुहरु ३ दिनदेखि जिल्ला प्रहरी कार्यालय महोत्तरीमा जाहेरी लिएर जाने गरेका र्छौ ।
जिल्ला प्रहरी कार्यालय महोत्तरीका प्रवक्ता समेत रहेका डिएसपी माधव प्रसाद वुढाथोकीले पोष्टमार्टम रिपोट नआउञ्जेल आफुहरुले घटना दर्ता गर्न नमिल्ने भन्दै आफुहरुलाई फर्काउँदै आएको क्षिरेश्वनाथ डकटकमलाई बताएका छन् ।
ओरेक नेपाल महोत्तरीकि कार्यक्रम अधिकृत लिला दियाली आफै घटना स्थल पुगेर मृत्यु घटनाबारे स्थानिय र घरपरिवारसंग छलफल गरेकी बताइन् । उनी समेत मृत्यु शंकास्पद देखिएकाले घटनाबारे प्रहरीले गम्भिरताका साथ अनुसन्धान गर्नु पर्ने माग गरेकी छिन् ।
यो विषयमा आफ्नो प्रतिक्रिया दिनुहोस् !