जनकपुरमा ३३ पत्रकारको स्वाव संकलन

धनुषा, ०७७ जेठ ८ गते ।
धनुषा जिल्लालाई कार्यक्षेत्र बनाएर फिल्डमा कार्यरत विभिन्न संचारमाध्यममा कार्यरत ३३ संचारकर्मीहरुको पिसिआर टेष्टको लागि जेठ ८ गते विहान स्वाव संकलन गरिएको छ ।

नेपाल पत्रकार महासंघ धनुषा शाखाको समन्वयमा प्रादेशिक प्रयोगशाला जनकपुरबाट आएको चिकित्सकको टोलीले धनुषा शाखामै आयोजित शिविरमा ३३ जना संचारकर्मीको स्वाव संकलन गरिएको नेपाल पत्रकार महासंघ धनुषा शाखाका अध्यक्ष अनिल मिश्रले बताउनुभएको छ ।

संकलन गरिएको स्वाव परिक्षणको नमुनमा परिक्षणको लागि काठमाण्डौस्थित राष्ट्रिय जनस्वास्थ्य प्रयोगशालामा पठाइने जनकपुरका निमित्त प्रयोगशाला प्रमुख रामविनय साहले बताउनुभएको छ ।
यस अघि पनि धनुषाका २३ पत्रकारहरुको जनकपुरमा स्वाव परिक्षण गरिएको थियो ।

यसअघि संकलन गरिएको स्वाव संकलनको क्रममा एक ४० वर्षीय पत्रकार र महासंघको भवनमै पुस्तक पसल संचालन गर्दै आएका एक पुरुषमा कोरोना भाइरस संक्रमणको पुष्टि भएको थियो ।