धनुषा, ०७७ जेठ ८ गते ।
जनकपुरधाम उमनपा–४ स्थित गोपाल धर्मशालामा सञ्चालित क्वारेन्टाइनमा नगर प्रमुख लाल किशोर साह जेठ ८ गते विहानै पुगेर क्वारेन्टाइनस्थलको अनुगमन गर्दै बसेकाहरुको समस्या र त्यहाँको वस्तुस्थितीबारेमा जानकारी लिदै क्वारेन्टाइनमा बसेकाहरुको हौसला प्रदान गर्नुभएको छ ।
क्वारेन्टाइनमा जेठ ७ गते देखि योग अभ्यास समेत सुरु गरिएको छ । विहानै योगगुरुहरु क्वारेन्टाइन भएका व्यक्तिहरुलाई दैनिक विहान योग गराउन थालेका छन् । योग अभ्यास र साधनावाट कतेकौ रोगहरुवाट लड्न सकिने र निको पनि हुने भएकाले योग सुरु गरिएको हो ।
नगर प्रमुख लालकिशोर साहले क्वारेन्टाइनमा रहेकाहरुको आत्मवल मजवुत राख्न आग्रह गर्दै विगतमा पनि जनकपुरको क्वारेन्टाइन रहनुभएका कुनै पनि व्यक्तिमा कोरोना भाइरस नलागेको बताउनुभयो ।
आफनो मोवाइल नम्बर दिदै क्वारेन्टाइनमा रहेका व्यक्तिहरुलाई कुनै समस्या भए, क्वारेन्टाइन संयोजक वा आफुलाई समेत कुनै वेला फोन गरि जानकारी दिन आग्रह गर्नुभएको छ ।
यो विषयमा आफ्नो प्रतिक्रिया दिनुहोस् !