धनुषा, ०७७ जेठ २१ गते ।
लकडाउनका कारण समस्यामा परेका मिथिला नपा–२ नक्टाझिजका ५० घरपरिवारलाई हिमालय युवा क्लवका युवाहरुले खाद्यन्न सामाग्री सहयोग गरेका छन् ।
लकडाउनले गर्दा जीवनयापन गर्न समस्या हुदै आएका नक्टाझिजका एक सय घरपरिवारलाई सहयोग गर्ने अभियानअन्तर्गत जेठ २१ गते ५० परिवारलाई सहयोग गरको हिमालय युवा क्लवका अध्यक्ष समेत रहेका राहत सामाग्री सहयोग समितीका संयोजक अरुण कुमार महतोले जानकारी दिनुभएको छ ।
गाउँमा लकडाउनका कारण समस्यामा परेका प्रति परिवार २५ किलो चामल, १ किलो दाल, १ किलो नुन, आधा लिटर खाने तेल, २ पिस साबुन सहयोग गरेको हो ।
राहत सहयोग गर्नेहरुमा हिमालय युवा क्लवका अध्यक्ष अरुण महतो संयोजक, सह संयोजकमा शिव शंकर प्रशाद सिंह, कोषाध्यक्षमा अजय कुमार महतो, सचिवमा शिवराम महतो र सदस्यहरुमा शम्भु महतो , शिव शंकर महतो , दिनेश राय , सरस्वती महतो , राज लाल महतो , बच्चे लाल महतो , संजय दास रहेका छन् ।
