पोखरामा सडक महोत्सवको आयोजना गरिदै

जनकपुरधाम र पोखराविच पर्यटक पठाउन आग्रह

दिपेन्द्र प्रसाद सिंह

०७६ मंसिर २७ गते ।
२० लाख पर्यटक नेपाल ल्याउने गरि भिजिट नेपालको अभियान जारी रहेको बेलामा ऐतिहासिक तथा धार्मिक नगरि जनकपुरधाम र प्राकृतिक दृश्यले भरिपूर्ण पोखराविचमा पर्यटक भित्रयाउनेबारेमा छलफल भएको छ । जनकपुरधामको एक होटलमा शुक्रवार २१ औँ पोखरा सडक महोत्सवको टिमले आयोजना गरेको छलफल तथा पत्रकार सम्मेलन कार्यक्रममा करोडाँैं हिन्दुहरुको आस्था र विश्वास बोकेर जनकपुरको जानकी मंदिरलगायतको यहाँको धरोहरहरुको उजागर गर्न लाखौ पर्यटक आउने पोखरामा जनकपुरधामको बारेमा डकुमेन्ट्रिी राख्न सुझाव दिएको छ ।
भिजिट नेपाल २०२० लाई लक्षित गर्दै गण्डकी प्रदेशको पोखरामा नेपाल पर्यटन बोर्डको समन्वयमा रेष्टुरेन्ट एण्ड बार एसोसिएशन (रेबान) को हुन लागेको २१ औँ पोखरा सडक महोत्सव २० वर्षदेखि आयोजना गर्दै आएको छ ।
२१ औं पोखरा सडक महोत्सवको अवसरमा सातै प्रदेश र पोखराको सेरोफेरोका संस्कृतिहरुलाई प्रदर्शन गर्ने आयोजकले जनाएको छ । महोत्सवको अवसरमा राष्ट्रिय तथा अन्र्तराष्ट्रिय सांस्कृतिक कार्यक्रम, नेपालका लोपोन्मुख सांस्कृतिक कार्यक्रमको प्रदर्शनी, पोखराको ३ किलोमिटरको लेक साइड एरियालाई नो भेकल जोन बनाउने, हस्तकला प्रदर्शनी, साहसिक पर्यटक खेलकुद, वृत्तचित्रलगायतको प्रदशर्नीसंगै जनकपुरधामका ऐतिहासिक तथा धार्मिक धरोहरको प्रदर्शनी समेत गर्ने महोत्सवका सह संयोजक नरेश प्रसाद भटटाईले जानकारी दिएका छन् ।