दीपेन्द्रप्रसाद सिंह
पुस ५ गते
धनुषा । वर्षौदेखि विद्यालयमा अध्यापन गराउँदै आएका देशभरका राहत कोटामा शिक्षकहरु आन्दोलित हुने भएको छ । वर्षौदेखि राहत कोटामा कार्यरत रहेको शिक्षकहरुले आफुलाई स्वतः दरवन्दी कोटामा स्थायी गर्नुपर्ने माग गर्दै आन्दोलित हुने चेतावनी दिएका छन् । देशभरिका ७७ वटै जिल्लामा राहत शिक्षकहरुले वृहत्त अन्र्तक्रिया कार्यक्रमको आयोजना गर्दै आफुहरुले शिक्षा क्षेत्रमा वर्षौदेखि गर्दै आएको योगदानको कदर गर्दै स्थायी गर्न माग गरेका छन् ।
केन्द्रिय सकुलर अनुसार धनुषा जिल्ला राहत शिक्षकहरुको जनकपुरमा आयोजना गरेको अन्र्तक्रिया कार्यक्रममा आफुहरुको माग सरकारले वेवास्ता गरेको खण्डमा सशक्त आन्दोलनमा जाने चेतावनी दिएका छन् । नेपाल राहत शिक्षक जिल्ला कार्य समिती धनुषाका अध्यक्ष लक्ष्मण प्रसाद यादवले राहत शिक्षकको स्थायी व्यवस्थापन तथा पेशागत सुनिश्चितताको लागि सरकारले राहत शिक्षकलाई दरवन्दी कोटामा परिणत गर्नुपर्नेमा जोड दिएका हुन् । अध्यक्ष यादवले पहिलो चरणमा आफुहरु अन्र्तक्रिया, ज्ञापनपत्र, धर्नालगायतको आन्दोलनको कार्यक्रमलाई निरन्तरता दिदै आफुहरुको मााग सरकारले सम्बोधन नगरेको खण्डमा थप आन्दोलनको कार्यक्रम गर्न बाध्य हुने बताएका छन् ।
जनकपुरस्थित नेपाल शिक्षक संघ धनुषाको सभाहलमा आयोजित अन्र्तक्रिया कार्यक्रममा नेपाल शिक्षक संघ प्रदेश २ का अध्यक्ष मेघनाथ यादवले राहत शिक्षकहरुले आफनो वर्षौदेखिको लगानी विद्यार्थी, विद्यालय बनाउन लगाएकाले त्यसको कदर गर्दै स्थायी गर्नुपर्नेमा जोड दिएका छन् । उनले भने राहत शिक्षकको माग सरकारले अविलम्ब पुरा गर्नुपर्छ अन्यथा सरकारविरुद्ध शिक्षकहरु आन्दोलन गर्न बाध्य हुने बताए ।
कार्यक्रममा नेपाल राहत शिक्षक समिती प्रदेश २ का महिला उपाध्यक्ष सुशिला यादव, नेपाल राहत शिक्षक समिती प्रदेश २ का अर्थ सचिव जिवछ यादव, एकिकृत अखिल शिक्षक संगठनका अध्यक्ष धर्मेन्द्र यादव, नेपाल राष्ट्रिय शिक्षक संगठनका धनुषा अध्यक्ष योगेन्द्र महतो, संघिय शिक्षक फोरमका अध्यक्ष नन्दकिशोर तिवारी, मधेशी शिक्षक फोरमका अध्यक्ष मोदनारायाण राउत, नेपाल लोकतान्त्रिक शिक्षक फेडरेशनका अध्यक्ष सुनिल अधिकारी, नेपाल शिक्षक संघका धनुषा सचिव सुरेश यादव,लोकतान्त्रिक शिक्षक युनियनका धनुषा अध्यक्ष उमाकृष्ण लाल कर्णलगायत धनुषा जिल्लाका राहत कोटामा कार्यरत शिक्षकहरुको उपस्थिती शिक्षक सुनिता यादवले बताइन् ।
यो विषयमा आफ्नो प्रतिक्रिया दिनुहोस् !