धनुषा,०७८ पुसस ९ गते । निजी तथा आवासीय विद्यालय अर्गनाइजेशन नेपाल धनुषाको ९ औं जिल्ला अधिवेशनको उदघाटनमा वक्ताहरुले निजी विद्यालयले नेपालको शिक्षा क्षेत्रमा महत्वपूर्ण योगदान दिदै आएको दावि गर्नुभएको छ । शुक्रवार लालगढमा आयोजित जिल्ला अधिवेशनको उदघाटन सत्रका प्रमुख अतिथी प्याब्सनका केन्द्रिय सदस्य नरेन्द्र शर्माले सरकारले अहिले सामुदायिक तथा सरकारी विद्यालयमा लाखौं करोडौको भौतिक सरंचना तथा प्रविधिमा समेत लगानी गरि रहेकाले सोही अनुसारको निजी विद्यालयले समेत आफनो लगानी बढाउँदै गुणस्तरिय शिक्षामा जोड दिनुपर्ने बताउनुभयो ।
प्याब्सन प्रदेश २ का सचिव विश्वलाल सिंहले देशभरको २२ प्रतिशत अभिभावकहरुको विद्यार्थी निजी विद्यालयमा रहेकाले हामीले आफनो गुणस्तरितालाई अझै समयसापेक्ष बढाउँदै लैजानुपर्नेमा जोड दिनुभयो । उहाँले आफनो विद्यालयको पढाई लेखाइ, अनुशासन र सुशासनको साथै व्यवस्थापनमा हामीले स्वच्छ प्रतिस्पर्धाको माध्यमले ध्यान दिनुपर्ने बताउनुभयो । कोभिड–१९ का कारण देशभरका शिक्षा क्षेत्र प्रभावित भएकोमा निजी विद्यालयहरु अझै बढी प्रभावित हुनु परेको बताउनुभयो । उहाँले अहिलेको चुनौती गुणस्तरि शिक्षा, शिक्षक व्यवस्थापन र निजी विद्यालयमा पढ्ने र सरकारीमा नाम लेखाउनुपर्ने बाध्यता रहेको बताउनुभयो । हामीले अवको दिनमा बढी रकम कमाउने र मुनाफा गर्ने भन्दा पनि गुणस्तरि शिक्षाका लागि निजी विद्यालयहरु गाँभेर भएपनि पढाउनुपर्ने आवश्यकता रहेकोमा जोड दिनुभयो ।
प्याब्सन प्रदेश २ का उपाध्यक्ष महेश मण्डलले निजी विद्यालयहरुले शिक्षा क्षेत्रमा ठुलो योगदान गर्दै आएको भएपनि सरकारको लगानी सरकारीमा छ, तर पनि अभिभावकहरुको आशा, भरोसा र विश्वास निजी विद्यालयमा रहेको बताउनुभयो । उहाँले अभिभावकहरुको विश्वास निजीमा भएकाले हामीले अभिभावकहरुको आशा र भरोसालाई गुणस्तरिय शिक्षा दिदै कायम राख्नुपर्नेमा जोड दिनुभयो ।
मिथिला नगरपालिका शिक्षा समिती सदस्य तथा आदर्श माध्यमिक विद्यालय लालगढका प्रधानाध्यापक हरिप्रसाद काफले निजी र सरकारी विद्यालयहरुले आ आफनो तवरले गुणस्तरि शिक्षा दिदै स्वच्छ तरिकाले विद्यार्थी र अभिभावकको मन जित्नुपर्नेमा जोड दिनुभयो । उहाँले सरकारी विद्यालयमा गुणस्तरिय शिक्षा दिइदैन भन्ने छैन् तर निजी विद्यालयहरुमा उत्कृष्ट पढाई लेखाई नै हुन्छन भन्ने भन्ने नसोच्न आग्रह गर्नुभयो । उहाँले सरकारी विद्यालयका शिक्षक निजी विद्यालयको पार्ट टाइम पढाउँदा उत्कृष्ट शिक्षक कहलाउँदै आएकाले सरकारीमै पढाउँदा किन उत्कृष्ट नहुने प्रश्न गर्नुभयो । उहाँले यसका लागि सरकारी तथा सामुदायिक विद्यालयले व्यवस्थापनमा जोड दिनुपर्ने बताउनुभयो ।
प्याब्सनमा देशभरका चार हजार पाँच सय निजी विद्यालय प्याब्सनमा आवद्ध रहेको छ । धनुषा जिल्लामै एक सय ६१ वटा विद्यालय प्याब्सन आवद्ध रहेको छ ।
यसैविच, प्याब्सन धनुषाको ९ औं जिल्ला अधिवेशनमा संस्थागत रुपमा उत्कृष्ट कार्य गरेवापत धनुषाका ३ पालिकाको प्याब्सन पालिका अध्यक्षलाई प्रशंसा पत्रले सम्मान गरेको छ । मिथिला नगरपालिका प्याब्सन अध्यक्ष भोगिलाल महतो, क्षिरेश्वरनाथ नगरपालिका प्याब्सन अध्यक्ष सुजित कापरी र धनुषाधाम नगरपालिका प्याब्सन अध्यक्ष रामपुकार यादवलाई उत्कृष्ट कार्य गरेवापत प्याब्सन अध्यक्ष गणेश साहले सम्मान गर्नुभयो ।
सोही अवसरमा शिक्षा क्षेत्रमा उत्कृष्ट योगदान दिनु हुने प्याब्सन आवद्ध मोनाष्टिक माध्यमिक विद्यालय जनकपुरमा संस्थापक स्वर्गिय मिथिलेश साहलाई मरर्णोपरान्त सम्मान गरिएको छ । उहाँका छोरा मोनाष्टिक विद्यालयका निर्देशक सोनु साहले सो सम्मानले सम्मानित हुनु भएको छ । सोही अवसरमा मिथिला विहारी नगरपालिकाका एक प्रिन्सिपल कोभिड–१९ संक्रमणले मृत्युवरण गरेकोमा उहाँलाई समेत सम्मान गरिएको छ ।
प्याब्सनले आउने आगामी ३ वर्षका लागि नयाँ नेतृत्व समेत चयन गर्ने वर्तमान अध्यक्ष गणेश साहले बताउनुभयो ।
