धनुषा,०७९ माघ ३ गते । मधेश प्रदेशका मुख्यमन्त्रि सरोज कुमार यादवले भोली बुधवार सदनमा विश्वासको मत लिने भएको छ । आज मंगलवार लिने भनिएको विश्वासको मतको कार्यक्रम भोलि बुधवारका लागि सारिएको छ ।
यसैविच, मुख्यमन्त्रि सरोज कुमार यादवले आफुलाई सदनमा विश्वासको मत दिन नेपाली काग्रेसका प्रदेश अध्यक्ष तथा काग्रेस संसदीय दलका नेता कृष्णा यादवलाई लिखित रुपमा आग्रह सहितका पत्र बुझाएका छन । काग्रेस संसदीय दलका नेता कृष्णा यादवले सभामुखमा नेपाली काग्रेसका उम्मेदवारलाई सहयोग गर्न आग्रह गरेका छन् ।
सरकारलाई विश्वासको मत दिएपनि नेपाली काग्रेस सरकारमा सहभागि नहुने भएकाले सभामुखमा काग्रेसलाई समर्थन गर्न आग्रह गरेका थिए । मुख्यमन्त्रि यादवले भोली सदनमा विश्वासको मत लिने भएकाले काग्रेसको संसदीय दलको बैठकबाट विश्वास मत दिने वा नदिने विषयमा निर्णय हुने नेपाली काग्रेस मधेश प्रदेशका मुख्य सचिव नेता सन्तु यादवले बताउनुभयो । सभामुख चयनका लागि आज १ बजेदेखि बस्ने प्रदेशसभाको बैठकमा निर्वाचन गरिनेछ ।
सभामुखका लागि सत्ता साझेदार घटकबाट नेकपा एमालेका तर्फबाट सांसद रामचन्द्र मण्डल र नेपाली काग्रेसले जंगीलाल यादवलाई उम्मेदवार चयन गरेको छ । गत पुस २७ गते मुख्यमन्त्रीमा नियुक्त भएका यादवले पुस २९ गते पद तथा गोपनीयताको शपथ लिएका थिए। उनलाई ६२ सांसदको समर्थन छ भने लोसपाका सांसदहरुले समेत समर्थनको पत्र प्रदेश प्रमुख कार्यालयमा बुझाइ सकेको छ ।
