०७६ पुस २४ गते ।
महोत्तरीको सम्सी गाउँपालिकामा घरबेटीले तालाबन्दी गरेका छन् । सम्सी गाउँपालिकाले कार्यालय संचालनको लागि भाडामा लिएको घरको भाडा छ महिनादेखि नदिएको भन्दै घरवेटीले सम्सी गापामा तालाबन्दी गरेका हुन् । कार्यालयको घरभाडा बाकी रहेको भन्दै घर धनी राम भरत रायले तालाबन्दी गरेका हुन् । सम्सी गाउँपालिकाकोे घरभाडा वहालको सम्झौताअवधि समेत समाप्त भएकाले गर्दा नयाँ सम्झौता र पुरानो भाडा भुक्तानी नभएसम्म तालाबन्दी यथाबत रहने बताएका छन् ।
यता, महोत्तरी जिल्लाको सम्सी गाउपालिकाका शिक्षकहरु आठ महिना देखि तलब नपाएको भन्दै गाउँपालिकाको कार्यालय अगाडि धर्नामा बसेका छन् । सम्सी गाउँपालिका कार्यालयले आ व २०७६ को पहिलो चौमासिक, दशै भता र दोस्रो चौमासिक गरि आठ महिनाको तलब भता दिएको छैन, बारम्बार तलब भताको लागि गाउँपालिका प्रमुख लाई तगेदा गर्दा पनी केही नसुनेको कारन हामी जिल्ला प्रशासन कार्यालयमा समेत डेलिगेसन गएका थिए तर अहिले सम्म तलब भता निकासा न भएको ले हामी बाध्य भएर धर्नामा बस्नु परेको कुरा नेपाल शिक्षक महासंघ सम्सी गाउपालिकाका अध्यक्ष राम बाबु यादवले बताएका छन् ।