०७६ पुस २५ गते ।
नेकपा प्रदेश २ संसदीय दलका सचेतक सुन्दर विश्वकर्माले सदियौदेखि कानुननै बनाएर मानवअधिकारको हनन् हुदै आएकाले गर्दा कानुन बनाएरै न्युनिकरण गर्नुपर्नेमा जोड दिएका छन् । दलित गैर सरकारी संस्था महासंघका सचिव जित बहादुर विश्वकर्माको अध्यक्षतामा विश्वव्यापी आवधिक समिक्षा प्रतिवेदनमा सुझाव तथा परामर्श गोष्ठि कार्यक्रममा प्रमुख अतिथी सुन्दर विश्वकर्माले हिन्दु धर्मग्रन्थ बनाउँदा नै मानवअधिकार हनन्को सुरुवात भएको बताएका छन् । उनले भने जातिको आधारमा कामको बाडँफाड, वर्गको आधारमा छुवाछुत र भेदभाव, पानी चल्ने र नचल्ने भनेर नेपालको २०१० सालको मुलुकी ऐनमै उल्लेख भएकाले गर्दा नेपालमा जातिय छुवाछुतले प्रसय पाएको बताउँदै अव जातिय छुवाछुत र भेदभावविरुद्ध नेपाल सरकार, प्रदेश सरकार र स्थानिय सरकारले ऐन, कानुन बनाएर न्युनिकरण गर्नुपर्ने बताए । कार्यक्रममा बोल्दै नेकपा सचेतक विश्वकर्माले समाजमा शैक्षिक दर बढ्दै जाँदा समाजमा अहिले अपराध र हिंसा गर्ने शैलीमा समेत परिर्वतन भएको बताए । अहिले समाजमा सम्मानजनक रुपमा अपमान हुदै आएको छ, तिम्रोमा गएर खाने र आफनोमा खान कहिले नबोलाउने प्रवृत्ति हावि भएको बताए । उनले प्रदेश २ सरकारले दलित कानुन बनाएको भन्दै यस्तै दलितहरुको पक्षमा अन्य कानुनहरु समेत बनाउनुपर्ने आवश्यकता रहेको बताए ।
कार्यक्रममा नेपाल राष्ट्रिय मानवअधिकार आयोगका प्रदेश २ निर्देशक विरबहादुर बुढामगरले मानवअधिकारको सवालमा हामी सवै नागरिक सचेत हुनुपर्ने बताए । उनले भने अहिले मानवअधिकार हनन्का घटनाहरु न्युनिकरणका लागि तिनै तहका सरकारले अभियान नै चलाउनुपर्ने आवश्यकता रहेकोेमा जोड दिएका थिए ।
कार्यक्रममा इन्सेक प्रदेश २ का संयोजक राजु पासवानले हाम्रो समाजमा सदियौदेखि प्रत्यक्ष र अप्रत्यक्ष रुपमा जातिय छुवाछुत र भेदभाव हुदै आएकाले अव यसको अन्त्य गर्नुपर्ने बताएका थिए । नेपाल संघिय संरचनामा गएर तीन तहको सरकार रहेका वेलामा जनप्रतिनिधीहरुले समेत छुवाछुत र भेदभाव गर्दै आएकोमा दुःख व्यक्त गर्दै इन्सेक प्रदेश संयोजक पासवानले न्यायलयमा दलितहरुको पहुँच हुनुपर्नेमा जोड दिएका थिए । उनले तराइमा जव जव शितलहर बाढी पहिरो सुरु हुन्छ तव तव दलितहरु निकै पिडित हुदै आएका छन् । गरिवीको दलदलमा पिल्सिएका दलित भनिएका गरिवहरुको गाँस, बास र कपासलगायत शिक्षा,स्वास्थ्य,खाद्य र आवासलगायतको सवालमा सरकार गम्भिर हुनुपर्नेमा जोड दिएका थिए । उनले भने तर अहिले जनप्रतिनिधीहरुले नै त्यस्ता गरिव, दिनदुखीहरुको घर,टहरा हटाउन लागि परेका छन् । यसवारे हामी सवै सचेत हुनुपर्ने बताएका थिए ।
कार्यक्रमम दलित गैर सरकारी संस्था महासंघका केन्द्रिय सदस्य लक्ष्मी नेपाली, केन्द्रिय कोषाध्यष जितेन्द्र पासवान, दलित अधिकारकर्मी चेतनारायण रसाइली, चन्देश्वर सादा, मुन्नी देवी दासलगायत दलित अधिकारकर्मीहरुको सहभागिता रहेको थियो । दिपेन्द्रप्रसाद सिंह
