०७६ पुस २७ गते ।
साहसिक पत्रकार उमा सिंहको ११ औं स्मृति दिवस जनकपुरमा मनाइएको छ । नेपाल पत्रकार महासंघ धनुषा शाखाका अध्यक्ष अनिल मिश्रको अध्यक्षतामा आयोजना गरिएको छ । स्मृति दिवसको अवसरमा नेपाल पत्रकार महासंघ धनुषाका पूर्व अध्यक्ष समेत रहेका प्रदेशसभा सांसद रामआशिष यादव पत्रकार अध्ययनशिल हुनुपर्ने बताएका छन् । पत्रकारहरु सवै कुराको ज्ञाता हुने गरेको आम नागरिक र पाठक,दर्शक र श्रोताको बुझाई रहने भएकाले गर्दा समेत हामी पत्रकारहरु आफनो कार्यदक्षतालाई अभिवृद्धि गर्दै लैजानुपर्ने बताएका हुन् । उनले भने सत्ताधारी सरकारले जहिले पनि मिडियालाई आफनो अन्डरमा राख्ने प्रयास गर्दै आएकाले गर्दा हामी अध्ययनशिल र जिज्ञासु भएको खण्डमा आफनो कक्षा,क्षमता र दक्षताले गर्दा लुकेका र लुकाउने प्रयास गरिएका घटना समाज समक्ष ल्याउन सक्ने बताएका थिए । पत्रकारहरु समाजको ऐना भएकाले गर्दा निर्भिकताका साथ धैर्यता गम्भिरता र पत्रकारिताको मर्यादाभित्र रहेर पत्रकारिता गर्न आग्रह गरेका छन् ।
स्मृति दिवसको अवसरमा वरिष्ठ पत्रकार विएम खनालले देश संघियतामा गएपछि गठन भएका नजिकको स्थानिय सरकार र प्रदेश सरकारले जनताले पाउनुपर्ने सुचनाको हकमा अझै कडाई गरेको भन्दै आक्रोश पोखेका छन् । उनले भने स्थानिय सरकार नजिकको सरकार भएकाले त्यहाँ हुने गरेका गतिविधी र कामको वारेमा सहजै रुपमा सुचना दिन अग्रसर हुनुपर्नेमा उल्टै जालझेल गरि सुचना र प्रतिक्रिया लिन केही समय अघि जनकपुरधाम उपमहानगरपालिकाका मेयर लालकिशोर साहको कार्यकक्ष पुगेका केही पत्रकारमाथि कुटपिट हुनु समग्र रुपमा स्वतन्त्र पत्रकारिताप्रति हस्तक्षेप भएको बताएका छन् ।
कार्यक्रममा नेपाल पत्रकार महासंघ धनुषाका पूर्वअध्यक्ष उमेश साहले उमा सिंहको कार्यरतापूर्वक हत्या गर्ने हत्यारा गरिनु प्रेस जगतको लागि संक्रमणकालिन अवस्थाको सृजना भएको थियो, तर अहिले पनि जनकपुरका संचारजगतका लागि त्यो संक्रमणकालिन अवस्था आज पनि त्यस्तै रहेको बताएका छन् । जनकपुरकै पत्रकारहरुमाथि जनकपुरधाम उपमहानगरपालिकाका मेयरको कार्यकक्षमा कुटपिट हुनु दुर्भाग्यपूर्ण रहेको बताएका थिए ।
स्मृति दिवसको अवसरमा बरिष्ठ पत्रकार माधव आचार्यले पत्रकारहरुले समाजमा लुकेका छुपेका कुराहरुको खोजी गरेर मिडियामार्फत पस्कने भएकाले यस कार्यबाट कुनै व्यक्तिलाई भयभित नहुन आग्रह गरेका थिए । कार्यक्रममा नेपाल पत्रकार महासंघका पूर्व केन्द्रिय सदस्य अजय अनुरागीले जनकपुरधाम उपमहानगरपालिकाका मेयरकै निर्देशनमा पत्रकारमाथि कुटपिट भएकाले हामी संचार जगत भयभित भएको बताएका थिए । पत्रकारहरुलाई सहजै रुपमा सुचना दिन आनाकानी गर्दै आएकाले गर्दा हामीले लिखित रुपमै सुचना माग्न निवेदन दर्ता गराउनुपरेको बाध्यता रहको बताएका थिए । उनले भने पत्रकारमाथि कुटपिट गर्नेहरुको पहिचान गरि कारवाही गर्न हामीले स्थानिय प्रशासनमा दिएको ५ दिने अल्टिमेटम समेत आइतवार समाप्त भएकाले गर्दा सोमवारदेखि सशक्त आन्दोलन गर्नुपर्नेमा जोड दिएका थिए ।
स्मृतिसभा कार्यक्रममा नेपाल पत्रकार महासंघ धनुषा शाखाका उपाध्यक्ष धर्वेन्द्र झा, मनिका झा, सचिव पुरण साह, कोषाध्यक्ष अवधेश कामत, प्रेस संगठनका केन्द्रिय सदस्य दिपेन्द्रप्रसाद सिंह, प्रेस संघका धनुषा अध्यक्ष अर्जुन मण्डल, मधेशी पत्रकार समाजका धनुषा अध्यक्ष सुभाष कर्णलगायतका विभिन्न संचारमाध्यममा कार्यरत पत्रकारहरुको उपस्थिती रहेको थियो ।
स्थानीय रेडियो टूडेमा कार्यरत पत्रकार सिंहको २०६५ पुस २७ गते जनकपुर–१४ रजौलस्थित डेरामा खाना पकाइरहेकी बेला अपराधीले धारिलो हतियार प्रहार गरी निर्ममतापूर्वक हत्या गरेका थिए ।
