दिपेन्द्रप्रसाद सिंह
०७६ पुस २९ गते ।
जनकपुरधाम । प्रदेश नं.२ मा वाल मृत्युदरको संख्या न्युनिकरणका लागि शिशु स्याहार कार्यक्रम ‘सुसार’ लागु हुने भएको छ । प्रदेश २ मा मातृ तथा नवजात शिशुहरुको मृत्युदर अन्य प्रदेशको तुलनामा बढी रहेको भन्दै शिशु स्याहार कार्यक्रम लागु गरिने भएको सुसार कार्यक्रमकी संचार विशेषज्ञ सृजना शर्माले जानकारी दिएकी छिन् ।
जनकपुरस्थित प्रादेशिक अस्पतालमा अहिले दैनिक ४० देखि ५० जना प्रसुतिले बच्चा पाउँदै आएको छ भने दैनिक ७ देखि १० वटा अप्रेशन गरिदै आएको अस्पतालका प्रमुख डा. नागेन्द्र यादवले जानकारी दिनुभएको छ । अस्पतालमा ‘सुसार’ कार्यक्रम लागु भएपछि अस्पतालमा विद्यमान अवस्थामा सुधार ल्याई विभिन्न ज्ञान, सीप तथा प्रविधीको माध्यमको प्रयोग गरि गर्भवती अवस्थादेखि प्रसुति नहुञ्जेलसम्म नियमित रुपमा निगरानी गरिनेछ । नियमित रुपमा मातृ स्याहार र शिशु स्याहार गरिदा प्रसुति सेवालाई प्रभवकारी ढंगले निगरानी गर्न, सेवा प्रदान गर्न तथा समयमै उचित निर्णय निल स्वास्थ्यकर्मीहरुलाई समेत सशक्त बनाउने ‘सुसार’ कार्यक्रमका म्यानेजर रेजिना गुरुङ्गले विश्वास व्यक्त गरेकी छिन् ।
अस्पतालमा ‘सुसार’ कार्यक्रम लागु भएपछि मातृ तथा शिशु स्याहारमा संलग्न स्वास्थ्यकर्मीहरुलाई क्षमता अभिवृद्धि तालिम दिने, भु्रणको मुटुुको धड्कन जाँचको लागि मोयो, नवजात शिशुको मुटुको धडकन जाँँचका लागि नियोबिट तथा जन्मदा सास फेर्न नसकेका शिशुलाई कृत्रिम श्वास प्रश्वास गराउन अपराइट ब्याग–मास्क जस्ता आधुनिक उपकरणहरुको प्रयोगद्धारा सेवाको गुणस्तर बढाउने जस्ता लक्ष्य लिएको ‘सुसार’कार्यक्रमका संचार विशेषज्ञ सृजना शर्माले बताइन् ।
नेपालमा हाल रहेक वर्ष ६ लाख बच्चा जन्मिने गर्दछ । जसमध्ये ११ हजार शिशु मृत अवस्थामै जन्मिने गर्दछ भने १३ हजार नवजात शिशुको उचित स्याहारको कमीले गर्दा एक महिना नपुग्दै मर्ने गरेको छ । नेपाल सरकारले सन् २०३० सम्ममा हालको सरदर नवजात शिशु मृत्युदर प्रतिहजार २१ लाई घटाएर जिवित जन्ममा १२ जना र मृत जन्मिने शिशुको दर प्रतिहजारमा १३ मा घटाउने लक्ष्य लिएको छ । नेपाल सरकारको लक्ष्यलाई सहयोग गर्न गोल्डेन कम्युनिटीले ‘सुसार’ कार्यक्रममार्फत बढी भन्दा बढी गर्भवती चेकजाँच र प्रसुति गराउने अस्पतालमा यो कार्यक्रम लागु गरेको कम्युनिटीका प्रतिनिधी प्रतिक्षा भटटराइले जानकारी दिएकी छिन् ।
यो विषयमा आफ्नो प्रतिक्रिया दिनुहोस् !