धनुषा । ०७६ माघ ५ गते ।
नेपाल क्रसर व्यवसायी महासंघका केन्द्रीय अध्यक्ष उमेश शेरचनले एउटा क्रसर उद्योगमा कम्तिमा पनि ५ करोड लगानी रहेको र क्रसर उद्योगले प्रत्यक्ष तथा अप्रत्यक्ष गरेर १ सय जनालाई रोजगारी दिदै आएको बताएका छन् । देशभरका क्रसर उद्योगीहरुले करिव ८० अर्ब लगानी गरेकाले गर्दा क्रसर उद्योग बन्द गराएको खण्डमा देश आर्थिक रुपमा धरासायी हुने बताएका छन् ।
अध्यक्ष शेरचनले क्रसर व्यवसायिहरुको प्रदेश नंं २ स्तरीय भेलाले जनकपुरधाममा सम्वोधन गर्दै क्रसर उद्योगहरुमा विभिन्न वैंक तथा वित्तिय संस्थाहरुको समेत लगानी रहेको बताएका छन् ।
अध्यक्ष शेरचनले कुनै एउटा क्रसर उद्योगले गल्ति गर्यो भने सवै क्रसर उद्योगलाई बन्द गराउने काम गलत रहेको बताउँदै प्रदेश सरकारले क्रसर उद्योग बन्द गराउने निर्णय फिर्ता नगरेको खण्डमा देशभरिका क्रसर उद्योगीहरु आन्दोलनमा उत्रने चेतावनी समेत दिएका छन् ।
अध्यक्ष शेरचनले वालुवा गिट्टीको उत्खनन् एवं व्यवस्थापन नभएको खण्डमा निर्माण व्यवसायि, ईटा उद्योग, सिमेन्ट उद्योगहरु धरासायी हुने बताएका छन् । पूर्व राज्यमन्त्री शम्भुलाल श्रेष्ठले अहिले देश भरका ९ सयको संख्यामा क्रसर उद्योगहरु रहेकाले गर्दा क्रसर सञ्चालन सम्बन्धि पुराना ऐनमा परिमार्जन गर्न जरुरी रहेको बताएका छन् ।
धनुषाको मिथिला नपा ५ स्थित अवैध रुपमा खोला उत्खन्न गर्दै आएको चुरियामाई क्रसर उद्योगको विरोध गर्दै आएका युवा ओमप्रकाश महतोलाई कुटपिट गर्दै टिपरले किचेर पुस २५ गते हत्या गरेपछि प्रदेश २ का सवै क्रसर उद्योग स्थानिय प्रशासनले बन्द गराएका छन् । क्रसर उद्योगीहरुले सघर्ष समिती गठन गर्दै बन्द उद्योग खोलाउन आन्दोलन गर्ने भएको छ ।
यो विषयमा आफ्नो प्रतिक्रिया दिनुहोस् !