धनुषा, ०७६ माघ ७ गते ।
प्रदेश २ का भौतिक पूर्वाधार मन्त्रालयअन्तर्गतका सम्पूर्ण डिभिजनमा आर्थिक वर्ष २०७६÷०७७ को ८ महिना वितिसक्दा पनि बजेट नपठाएपछि विकास निमार्णका कामहरु ठप्प भएको छ । प्रदेश २ का मन्त्रालयहरुमा मन्त्रिहरुविच आपसी समझदारी नहुँदा ७ महिना पहिले नै खर्चको अख्तियारीसहित पाउनुपर्ने बजेट आठौं महिनासम्म पनि बजेट नआउँदा विकास निमार्णको जिम्मेवारी पाएका भौतिक पूर्वाधार विकास मन्त्रालयअन्तर्गतका जलस्रोत तथा सिंचाई विकास, भुमिगतलगायतका विकास डिभिजनका कर्मचारीहरु अफिसमा हाजिर गर्दै तलव बुझदै बस्नुपरेको नेपाल इन्जिनियर्स समाज प्रदेश २ का अध्यक्ष समेत रहेका जलस्रोत तथा सिंचाई विकास डिभिजन जनकपुरका प्रमुख भगवान झाले गुनासो गरेका छन् । साउन महिनामै डिभिजनमा पठाउनुपर्ने रकम अहिलेसम्म प्रदेश २ सरकारले नपठाउँदा जनताहरुको काम ओझेलमा परेको प्रमुख झाले बताए । कार्यालयमा प्रदेश सरकारले बजेट र खर्च अख्तियारी नदिएपछि कार्यालयका कर्मचारीहरु १० बजे अफिसमा आएर हाजिर गरेपछि जाडोको मौसममा घाम तापेरै दिनभरको समय विताउँदै आएको बताए ।

केन्द्रमार्फत क्रमागत रुपमा रहेको योजनाहरुको रकम केन्द्र सरकारले ठेक्का सम्झौता भएवमोजिम निकै न्युन रकम आएकाले अझै समस्या थपिएको बताएका छन् । उनले भने करिव २० दिन पहिले १० वटा योजनामा ८ लाख ५० हजारको दरले रकम आएको छ, ठेकेदारले १० करोडको ठेक्का पाएको छ, करोडौको कार्यसम्पन्न गरेर विलिङ समेत गरेको छ तर केन्द्र सरकारले न्युन रकम पठाएपछि ठेक्केदारहरुले अगाडीको काम नगर्ने बताउँदै आएको गुनासो गरेका छन् ।
निमार्ण
जमुनी कठहा सिंचाई आयोजना देउरीपरवाहा, गजरिया कञ्चनवन, सिग्यांही सिंचाई आयोजनालगायतको दर्जनौ आयोजनामा निमार्ण व्यवसायीको करोडौ रकम बाँकी भएकाले गर्दा निमार्ण व्यवसायी र किसानहरुले कार्यालयको तनाव थेग्न नसकेर अफिसमा बस्ने वातावरण नभएको बताए । निमार्ण व्यवसायी र किसानहरुले कार्यालयमा निकै तनाव दिदै आएकाले गर्दा हामीलाई निकै समस्या भई रहेको छ तर विकास निमार्णका काम जिरो अवस्थामा छ, चालु आयोजनाको अवधि कसले थप गर्ने, आयोजनाको लागि सशर्त तर्फको रकम कसले रकमान्तर गर्ने प्रदेश सरकारलाई जानकारी नभएको बताए ।
उनले भने महालेखा परिक्षकले भने तेस्रो चौमासिकमा किन खर्च गर्दै आएको भन्दै बेरुजु ठहर गर्दै आएको तर कार्यालयमा ८ महिनासम्म बजेट र अख्तियारी नै आएको छैन्, यस्तो अवस्थामा आफुहरुले कसरी जनताको काम गर्ने नेपाल इन्जिनियर्स समाज प्रदेश २ का उपाध्यक्ष गौरी पण्डितले बताए ।
उनले भने केन्द्र सरकारले थोरै रकम पठाएर काम हुन सकेको छैन् भने प्रदेश २ सरकारले डिभिजनमा ८ महिनासम्म बजेट र अख्तियारी नदिएकाले विकास निमार्णका कामहरु ठप्प भएका छन् । प्रदेश सरकारका मन्त्रिहरुविच आपसी लेनदेन र तालमेल नमिल्दा भौतिक पूर्वाधारका अर्वौ रकम फ्रिज हुने सम्भावना देखिएको छ ।
यता, धनुषा निमार्ण व्यवसायी संघका अशोक कुमार चौधरीले आफुहरुले करोडौको समान उधारोमा लिएर काम गरेको तर अहिलेसम्म रकम नपाएकाले गर्दा अव डिभिजन र मन्त्रालयमा गएर तालाबन्दी गर्ने बताएका छन् ।

दिपेन्द्रप्रसाद सिंह